Մեծ ժողովրդականություն վայելող հումորային «Կարգին հաղորդումը» արդեն մի քանի շաբաթ` չի հեռարձակվում` հեռուստադիտողների մոտ ենթադրությունների տեղիք տալով, որ հաղորդման բովանդակությունը չի համապատասխանում Հեռուստատեսության և ռադիոյի ազգային հանձնաժողովի չափորոշիչներին:

Համաշխարհային հռչակ վայելող գեղանկարիչ Մարտիրոս Սարյանի ծննդյան 130-ամյակը Հայաստանում հոբելյանական չեն համարում, իսկ ահա Ռուսաստանում, որտեղ ծնվել, մեծացել և ուսանել է մեծ արվեստագետը, ըստ նրա թոռնուհու, որն իր պապի տուն-թանգարանի տնօրենն է Երևանում, արդեն միջոցառումներ են կազմակերպվել և դեռ կազմակերպվելու են:

Մարտի 2-ին մեկնարկեց արդեն երրորդ տարին անցկացվող «Թատրոն-X» թատերական փառատոնը, որն այս տարի առանձնանում է մասնակից թատրոնների թվով:

Հայաստանի ճարտարապետների միության նախագահը կտրականապես դեմ է, որ «Մոսկվա» կինոթատրոնի բացօթյա դահլիճի տեղում վերակառուցվի Սբ Պողոս-Պետրոս եկեղեցին, թեև կառավարությունն արդեն հաստատել է այդ որոշումը:

Նախորդ շաբաթ ՀՀ կառավարությունը հերթական նիստի ժամանակ ընդունել է «Մոսկվա» կինոթատրոն» ՍՊԸ տնօրինության առաջարկությունը Երևանի Աբովյան 18 հասցեում գտնվող սեփականության իրավունքով ընկերությանը պատկանող «Մոսկվա» կինոթատրոնի ամառային դահլիճի շենքի զբաղեցրած հողատարածքն անհատույց` սեփականության իրավունքով օտարել Մայր Աթոռ Սբ Էջմիածնին` նախկինում խորհրդային իշխանությունների կողմից 1930-ականներին քանդված Սբ Պողոս-Պետրոս եկեղեցու տեղում նոր եկեղեցի կառուցելու համար։

Կառավարությունն ընդունել է «Մոսկվա» կինոթատրոն» ՍՊԸ տնօրինության առաջարկությունը Երևանի Աբովյան 18 հասցեում գտնվող սեփականության իրավունքով ընկերությանը պատկանող «Մոսկվա» կինոթատրոնի ամառային դահլիճի շենքի զբաղեցրած հողատարածքն անհատույց` սեփականության իրավունքով օտարել Մայր Աթոռ Սուրբ Էջմիածնին` նախկինում խորհրդային իշխանության կողմից քանդված Սուրբ Պողոս-Պետրոս եկեղեցու տեղում նոր եկեղեցի կառուցելու համար։

Երկուշաբթի Վանի փոխնահանգապետը հայտարարել է, որ Վանի հայկական եկեղեցիները պետք է վերանորոգվեն:

Ինչպես «Անատոլու» գործակալությանը հայտնել է Վանի փոխնահանգապետ Հալիլ Բերքը, որ Չարփանաք կղզու և Յուքարի Բաքրաշլը գյուղի եկեղեցիները վերանորոգվելու են նահանգապետարանի նախաձեռնած մի ծրագրի շրջանակում:

Գազի սակագների հնարավոր բարձրացումն անմիջականորեն կազդի պետական թատրոնների գործունեության վրա, քանի որ թատրոններում, ինչպես նաև մյուս պետական հաստատություններում, 2010 թ. բյուջեով գազի համար ավելի ցածր գումարներ են նախատեսվել:

Բելառուսում անցկացված հոգևոր երաժշտության միջազգային փառատոնում Հայաստանից Գեղարդավանքի երգչախումբը հինգ երկրների 40 խմբերի շարքում արժանացել է բարձրագույն` Գրան պրի մրցանակի:

Այս տարվա մայիսին Օսլոյում կայանալիք «Եվրատեսիլ 2010» երգի մրցույթում Հայաստանը ներկայացնող Եվա Րիվասի երգը բողոքի ալիք է բարձրացրել Թուրքիայում, որտեղ պնդում են, թե Հայաստանի երգն ունի «քաղաքական ենթատեքստ և ակնարկ է Հայոց Ցեղասպանությանը»:

Համաշխարհային ճանաչում ունեցող ռոք-երաժիշտներ Իէն Գիլանը (Deep Purple) եւ Թոնի Այոմին (Black Sabbath, Heaven and Hell) գործիքներ են նվիրել Գյումրիի թիվ 6 երաժշտական դպրոցին: