Ֆոտոլուր
Էդուարդ Թոփչյան, Վիգեն Չալդրանյան
Հայաստանի պետական ֆիլհարմոնիկ նվագախմբի ղեկավարությունը երկար տարիներ պայքարելուց հետո կապահովվի նոր, գերմանական արտադրության Steinway ռոյալով, որը հնարավորություն կտա սեպտեմբերի 19-ից սկսած արտասահմանյան ճանաչված ռոյալ նվագողներին համերգներ տալ Հայաստանում:
Ռոյալն արժե 62 մլն դրամ (170.000 դոլար), որը հատկացվել է ՀՀ մշակույթի նախարարության կողմից:
«Մենք ունեինք մեկ ռոյալ, որը ժառանգել ենք շատ վատ վիճակում 1980-ականներից, որի պատճառով բազմաթիվ ճանաչված դեմքեր հրաժարվում էին գալ Հայաստան և համերգ տալ»,- այս մասին այսօր ստեղծագործական տարին ամփոփելիս հայտարարեց Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը:
Թեև տնտեսական ճգնաժամի պատճառով 2009-2010 թթ. նվագախումբը զրկվել է եվրոպական երկրներում նախատեսված ինը հյուրախաղերից, բայց ունեցել է 43 տեղական ծրագիր, որոնց մեջ կարելի է ընդգծել նաև ճանաչված ռոք երգիչ Յան Գիլանի հետ կայացած համերգները և այս տարին ամփոփած «Եվգենի Օնեգին» օպերան, որի բեմադրող ռեժիսորն ու նկարիչն է թատրոնի և կինոյի ճանաչված ռեժիսոր Վիգեն Չալդրանյանը:
«Ես մանկուց երազում էի բեմադրել մի օպերա, որում ներգրավված կլինեն դերասաններ, ովքեր ոչ միայն լավ ձայն կունենան, այլև արտաքինով կհամապատասխանեն այն դերին, որը խաղում են, դրա համար էլ
ստեղծեցինք այս օպերան»,- խոստովանում է Վիգեն Չալդրանյանը:
Նրա հետ համագործակցությունը շարունակվելու է: Ֆինանսավորում ստանալու դեպքում դեկտեմբերին` Վիգեն Չալդրանյանի 55-ամյակի կապակցությամբ, կբեմադրվի Վերդիի «Դոն Կարլոս» օպերան:
Այս տարվա նոյեմբերից նվագախումբը հյուրախաղերի կմեկնի նաև Չեխիա, Գերմանիա, Սլովակիա:
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.