Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Մրցանակները հանձնեցին ամանորյա միջոցառումների կազմակերպիչներ «Կանաչաստան» ՀԿ-ն, Deem Communications-ը և «Պողոսյան պարտեզները»: Հովանավորների մեջ էին նաև բջջային օպերատոր «Օրանժ» ընկերությունը և այլ մասնավոր կառույցներ, ինչպես նաև Երևանի քաղաքապետարանը, ՀՀ մշակույթի նախարարությունը:

Փառատոնն արդեն չորս տարվա պատմություն ունի: Ամեն Նոր տարվա գալուստին Երևանի փողոցներում դեկտեմբերի 25-ից հունվարի 5-ը փառատոնի շրջանակներում կազմակերպվում են երգ ու պարի ելույթներ, և կազմակերպիչները տարբեր միջոցառումներով «գունավորում են ձմեռային առօրյան»:

Այս անգամ էլ այդ «գունավորողներից» լավագույնը ճանաչվեցին «Ղողանջ» ՀԿ-ն, IDS կազմակերպությունը, որոնք ներկայացրել էին վերամշակված նյութերից պատրաստված յուրօրինակ տոնածառեր:

«Այսպես մենք ցանկացել ենք բնապահպանական ուղերձ հղել փառատոնի հանդիսատեսին, որ խնայեն եղևնիները ու սիրեն բնությունը»,- ասում է փառատոնի կազմակերպիչներից Deem Communications-ի և «Կանաչաստան» ՀԿ ղեկավար Րաֆֆի Նիզիբլյանը:

Նիզիբլյանը փառատոնը հաջողված է համարում, քանի որ կարողացել են համախմբել 6500 հանդիսատեսի և նախորդ տարիների համեմատությամբ ընդլայնել միջոցառումները: Անցկացվել են մանկական բացօթյա խաղեր, ստեղծել 22 բնապահպանական տոնածառ, անցկացվել է տոնավաճառ, ներկայացվել են հին հայկական ուտեստներ, բացօթյա համերգներ են կազմակերպվել «Պողոսյան պարտեզներում» և այլն:

Այս տարին առանձնացել է նաև նրանով, որ «Տերյան» մշակույթի կենտրոնի միջոցով ամբողջացել է Կաղանդ պապի կերպարը, որը ձևավորվել է նախորդ փառատոների ընթացքում ձեռք բերված փորձի հիման վրա: Լույս է ընծայվել նաև հատուկ հեքիաթ, որի հեղինակը Աստղիկ Սիմոնյանն է: «Կաղանդ պապ. վերադարձ Ռիգելից» հեքիաթում տատն իր փոքրիկ թոռնիկին` Շուշանիկին, պատմում է, որ Կաղանդ պապը գոյություն է ունեցել դեռ հայերի նախահայր Հայկի ժամանակներից, որը նոր տարին անցկացրել է իր 12 օգնականների՝ խլվլիկների օգնությամբ:

Այս տարի փառատոնի շրջանակներում բնակիչներից հավաքել են խաղալիքներ, գրքեր ու գրենական պիտույքներ, որոնք կհանձնվեն տարբեր մանկատների:

Նիզիբլյանը ցավում է, որ այս տարի չկարողացան նախատեսվածի համաձայն բեմականացնել նաև Քրիստոսի Ծնունդը, սակայն համոզված է, որ դա իրականություն կդառնա հաջորդ փառատոնի ժամանակ: