Ամերիկայում մարզվող ու Հայաստանի կանանց բասկետբոլի ազգային հավաքականում հանդես եկող երկու հայազգի և մեկ ամերիկացի մարզուհիները, որոնք մասնակցում են Երևանում անցկացվող բասկետբոլի Եվրոպայի առաջնության կանանց C (ամենաթույլ պրոֆեսիոնալ) դիվիզիոնի մրցաշարին, հաճույքով են խաղում հայ երկրպագուներով լի մարզասրահում:

Մանկությունից օվկիանոսից այն կողմ ապրելով` 24-ամյա Քրիստինե Քեփենեկյանը և Արփինե Ամիրխանյանը, որը չորեքշաբթի 21 տարեկան դարձավ, հայկական դրոշի ներքո հազվադեպ են հանդես եկել` միայն Գլենդելի «Արարատ» թիմի կազմում: Իսկ 25-ամյա ամերիկացի Ամանդա Ջեքսոնն օգնեց Հայաստանի վերակենդանացած թիմին հաջողություն գրանցել Հայաստանի բասկետբոլի պատմության մեջ. այս մրցաշրջանի սկզբում Հայաստանի թիմին Եվրոպայի ակումբային մրցաշարում հաջողվեց հասնել մինչև փլեյ-օֆ: