Select edition
English
Հայերեն
տեղական լուրեր, գլոբալ լսարան
Հինգշաբթի, փետրվարի 09, 2012 Թարմացված է 04:19
Որոնել
Լոնդոնի խմբագրականը. Թուրքիան «մութ դարերում»
Թուրքիան կրկին նահանջում է «մութ դարերի ռեժիմ»` նկատի ունենալով վերջերս Լոնդոն կատարած այցի ժամանակ վարչապետ Էրդողանի մեկնաբանությունները` վտարել Թուրքիայում բնակվող 100 000 հայերին. «Եթե հարկ լինի` այդ 100.000-ին կասեմ` գնացեք ձեր երկիր»: Հայոց ցեղասպանության հարցը և տեղի ունեցածն ընդունելուց Թուրքիայի հրաժարվելը ոչ միայն կասկածի տակ է դնում Եվրամիությանն անդամակցելու Թուրքիայի նկրտումները, այլ նաև հեղինակազրկում է իր աջակիցներին, ի թիվս որոնց` Մեծ Բրիտանիայում ներկայիս պահպանողական և լեյբորիստական կուսակցությունները: Շուրջ 20 երկիր մեղադրել է օսմանյան թուրքերին ցեղասպանության` Առաջին աշխարհամարտի ժամանակ մոտ 1,5 մլն հայերին սպանելու համար: Այս շաբաթ Շվեդիայի խորհրդարանը բանաձև է ընդունել, որում ճանաչել է ցեղասպանությունը և կոչ արել Թուրքիային` հետևելու իր օրինակին: Սրանից հետո վարչապետ Էրդողանը չեղյալ է հայտարարել Ստոկհոլմ իր այցելությունը և ի նշան բողոքի հետ կանչել իր դեսպանին: Թուրքիան առավել վտանգավոր է, քան երբևէ, և ինչպես նշում են ոմանք, կարող է ավելի շուտ թեքվել ոչ թե դեպի Արևմուտք, այլ Արևելք` ավելի քան երբևէ ամրապնդելով կապերը Իրանի հետ: Թուրքիայի «բերանը պետք է քաղցրացնել», սակայն, մինչ Եվրամիությանը Թուրքիայի անդամակցելը լրջորեն քննարկելը, նա առնվազն պետք է կշռադատված լուծումներ տա նախապայմաններ հանդիսացող մի շարք կարևոր հարցերի: ԱՄՆ-ը նախազգուշացրել է Թուրքիային, որ նա «թանկ գին» կվճարի, եթե ՄԱԿ-ի Անվտանգության խորհրդի նիստում պաշտպանի Իրանի միջուկային ծրագիրը: Եվ դարձյալ` Թուրքիան հետաքրքրված չէ Բրյուսելում, Փարիզում կամ Լոնդոնում տիրող «քաղաքական տրամադրությամբ», սակայն, ոչ ավելին, քան Անկարայի և իսլամի շահերով:
Other Articles in Տեսանկյուն
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 3 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.