Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 03:33
Որոնել
Նախապատրաստություններ. Հայաստանի քաղաքական ուժերը վերանայում են իրենց դիրքորոշումները և հռչակում քաղաքական ուղեգիծը
«Ժառանգության» հիմնադիր Րաֆֆի Հովհաննիսյանն ընտրվել է կուսակցության վարչության նախագահ («Ժառանգության» համագումարում, Երևան, հուլիսի 10, 2010 թ.): Ելնելով նրանից, որ «Ժառանգության» վարչության նախագահ է ընտրվել կուսակցության հիմնադիր և առաջնորդ, ՀՀ առաջին արտգործնախարար Րաֆֆի Հովհաննիսյանը, կուսակցությունը մտադիր է լուրջ պայքար մղել նախագահի աթոռի և պատգամավորական մանդատների համար: Կուսակցությունը հռչակել է իր ուղեգիծը, որում տեղ են գտել ներքաղաքական և արտաքին քաղաքականության հարցեր: Կուսակցության ծրագրի որոշ կետեր նորություն են դարձել քաղաքական օրակարգում: Մասնավորապես, «Ժառանգությունը» կարծում է, որ Ազգ-պետություն Հայաստանը պետք է հասնի Թուրքիայի տարածքային ամբողջականության ճանաչմանը` 1920 թթ. ԱՄՆ նախագահ Վուդրո Վիլսոնի գծած սահմանների շրջանակներում: Կուսակցությունը Հայաստանին առաջարկում է ընդունել Լեռնային Ղարաբաղի Հանրապետությունն իր սահմանադրական սահմաններով: Այս տեսանկյունից նրա դիրքորոշումները կարող են շփման եզրեր ունենալ ՀՅԴ-ի դիրքորոշումների հետ, որը ազգայնամոլական նպատակներ է առաջ քաշում: Ընդ որում, «Ժառանգությունը» Հայաստանին և սփյուռքին կոչ է անում Արարատի շեմին կառուցել արդի, ժողովրդավար հանրապետություն, որտեղ իշխում է օրենքը, հարգվում են իրավունքները, բացառվում է քաղբանտարկյալների առկայությունը, և քաղաքացին է գերագույն իշխանությունը, որտեղ բոլորը հավասար են օրենքի առջև` անկախ իրենց ձեռքբերումներից: Կուսակցությունը հայտարարել է նաև քաղաքացիական նախաձեռնությունները համախմբելու իր մտադրության մասին` ուղղորդելով դրանք Հայաստանում կյանքի համակարգված վերափոխմանը: Սա նորություն է նաև քաղաքական կուսակցությունների համար, որոնք վերացարկել են քաղաքացիական հարցերից: Ըստ Հովհաննսիյանի` իրենք հետևողական կլինեն մարտի 1-ի հանցագործությունը բացահայտելու հարցում, սակայն դա տեղի չի ունենա, «քանի դեռ չեն հարցաքննվել երկրորդ, երրորդ, այնուհետև նաև առաջին նախագահները»: «Կեղծված ընտրությունների, կոռուպցիայի, հանրային և մասնավոր շահերի բախման համար պատասխանատու ենք բոլորս, սակայն, առաջին հերթին` ՀՀ երեք նախագահները»,- նշել է Րաֆֆի Հովհաննիսյանը: Ընդ որում, նրա խոսքով` Ռոբերտ Քոչարյանն ու Սերժ Սարգսյանն իրենց նախագահության օրոք այնքան կապիտալ են կուտակել, որ դա կբավականացներ Արցախի վերականգնմանը` ազատագրված տարածքների հետ: Րաֆֆի Հովհաննիսյանը նախընտրում է խորհրդարանական ընտրություններին մասնակցել դաշինքով, սակայն եթե նման դաշինք չձևավորվի, ապա իրենք պատրաստ են մասնակցելու նախընտրական պայքարին սեփական ուժերով: Կձևավորվե՞ն արդյոք նախընտրական դաշինքներ` պարզ կլինի ընդդիմադիր դաշտում իրադարձությունների հետագա զարգացումներից, որն այժմ ունի երկու անհամատեղելի բևեռներ: Լևոն Տեր-Պետրոսյանի ղեկավարած Հայ ազգային կոնգրեսը ոչ մի կերպ չի կարողանում իրեն ընդդիմադիր հռչակած ՀՅԴ-ի հետ նույն սեղանի շուրջը նստել: ՀՅԴ-ն չի կարող ներել Տեր-Պետրոսյանին այսպես կոչված «Դրոյի գործը»` դաշնակցականների հետապնդումները, որոնց հետևանքով 1995 թ. ՀՅԴ ներկայիս առաջնորդների մեծ մասը հայտնվեց ճաղերի հետևում: «Ժառանգությունը» լավ հարբերությունների մեջ է երկու ուժերի հետ էլ, սակայն բոլոր կուսակցությունների մասնակցությամբ կլոր սեղան հրավիրելու նրա բոլոր փորձերը ձախողվել են: Չնայած հռչակված ուղեգծի և նպատակների ընդհանրությանը`կուսակցությունները նախընտրում են «դաշինքներից դուրս» քաղաքականությունը:
Other Articles in Վերլուծություն
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.