Readers' comments

• ‘Self-criticizing’ authorities: Will new tactics and “a victim’s image” ensure success for ruling party?

The whole article is written in an anti-government style. There is no unbiasedness, ArmeniaNow should not be called an "independent" media outlet, but a biased propaganda machine. It is always funny to see, how ArmeniaNow always quotes fiercely anti-government figures and then continues with the anti-government tone set by those (mostly uneducated) fanatics. If a senior official acknowledges t...

Read commented Article

Post a comment

Read all 1 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Տիգրան Սարգսյանն ընտրել է, թվում է թե, տանուլ չտվող մարտավարություն` լինելով գործող վարչապետ, նա անխնա քննադատում է Հայաստանում իրավիճակը և հայտարարում, որ Հանրապետական կուսակցությունը, ընդունելով բոլոր թերությունները, մտադիր է վերացնել դրանք, եթե իրեն ընտրեն:

Փորձագետները նշում են, որ այդպիսով վարչապետը կարծես զրկում է ընդդիմախոսներին քննադատելու հնարավորությունից, որովհետև դժվար է քննադատել նրան, ով ընդունում է իր մեղքը:

Բրյուսելում Եվրոպական ժողովրդական կուսակցության քաղաքական ասամբլեայի նիստում վարչապետը հայտարարել է, օրինակ` որ ներկայիս Հայաստանում նկատվում է հռչակված արժեքների և իրականության միջև անջրպետ: Նա հույս է հայտնել, որ ժողովրդավարական բարեփոխումները կկարողանան ծածկել անջրպետը` նշելով, որ Հայաստանը պետք է արագացնի բարեփոխումների և ինստիտուցիոնալ վերափոխման իրականացումը: «Տնտեսական ճգնաժամն իր ազդեցությունն է ունեցել աղքատության ավելացման, արտաքին պետական պարտքի աճի և բարձր սղաճի վրա»,- ընդգծել է վարչապետը:

Հայ ազգային կոնգրեսի անդամ Զոյա Թադևոսյանը կարծում է, որ Բրյուսելում արած հայտարարություններից հետո վարչապետ Տիգրան Սարգսյանը պետք է անմիջապես հրաժարական տար:

«Եթե բարձրաստիճան պաշտոնյան «խոստովանում» է, որ իր կողմից ղեկավարվող ոլորտում կան աղաղակող ապօրինություններ, ձախողումներ, ուրեմն ինքը իրավիճակին չի տիրապետում»,- ասել է Զոյա Թադևոսյանը: Նա նշել է, որ վարչապետը պարզապես հայտարարել է այն, ինչի մասին մյուսներն արդեն վաղուց են խոսում, որպեսզի ինքնախոստովանության ճանապարհով հանդես գա զոհի դերում»:

Վերջին շրջանում Սարգսյանը հաճախ է զեկուցում այն մասին, թե ինչ է արվել մի քանի տարիների ընթացքում: Նա խոսում է, որ ստեղծվել է օմբուդսմանի ուժեղ ինստիտուտ, ներդրվել են էլեկտրոնային կառավարում, հարկային հաշվետվությունների ներկայացման էլեկտրոնային համակարգ և ձեռնարկությունների գրանցման ամենապարզ համակարգ: Իրականացվում են բարեփոխումներ արդարադատության, կրթության, հարկային և մաքսային վարչարարության ոլորտներում, անցկացվում, կառուցվում է նոր կենսաթոշակային համակարգ: Բացի այդ, Համաշխարհային բանկի աջակցությամբ մշակվում է արտահանմանը միտված արդյունաբերության զարգացման ծրագիր:

Ընդ որում, Սարգսյանը չի անդրադարձել ամենացավոտ հարցերին, որոնք մատնացույց է անում հասարակությունը, մասնավորապես` տնտեսության խոր օլիգարխացումը:

Համաշխարհային բանկի հաշվարկներով` Հայաստանում հնարավոր է հավաքել 240 մլրդ դրամով ավելի հարկեր, քան այժմ: 2012 թ. բյուջեի նախագծով նախատեսվում է հարկային բեռի ավելացում ընդամենը 101 մլրդ դրամով: Սա նշանակում է, որ կառավարությունը փորձում է դուրս բերել տնտեսությունը ստվերից աստիճանաբար, առանց «շոկային թերապիայի», «չնեղացնելով ստվերային գործարարներին»: «Ստվերի» մեծ մասը, միջազգային ֆինանսական կազմակերպությունների հաշվարկներով, կենտրոնացված է լեռնահանքային արդյունաբերության մեջ, սակայն ընդերքի մասին նոր օրենքը, մասնագետների խոսքով, չի նախատեսում էկոլոգիական հարկերի բարձրացում:

Տիգրան Սարգսյանը չի խոսում այն մասին, որ արդեն երկար տարիներ տեղեկատվական տեխնոլոգիաների ոլորտը առաջնայնություն է հայտարարված, իսկ արտահանման ոլորտում նրա տեսակարար կշիռը չի բարձրանում: Ընդհակառակը, լավ ծրագրավորողները պարզապես հեռանում են երկրից, քանի որ Հայաստանում հավասար մրցակցության պայմաններ չկան:

Կառավարությունն ասում է, որ վերջին տարիներին երկրում ինտերնետի օգտագործումը մի քանի անգամ ավելացել է, որ ներդվել է էլեկտրոնային կառավարում և նման բաներ: Սակայն դա ավելի շուտ ոչ թե կառավարության վաստակն է, այլ ժամանակի` 2011 թ. Հայաստանում չի կարող չաճել ինտերնետից օգտվողների թիվը:

Կուլ կտա՞ արդյոք հասարակությունը ձայներ ստանալու համար իշխանության «ինքնաքննադատող» նախընտրական մարտավարության խայծը, թե՞ նա կրկին կեղծիքի կդիմի: