Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:31
Որոնել
Համաշխարհային ֆինանսական ճգնաժամի հետևանքները. Հայաստանի ու Ռուսաստանի միջև ապրանքաշրջանառության ծավալները 1,5-ով նվազել են
Զայցևը հուսով է, որ Հայաստանի և Ռուսաստանի միջև ապրանքաշրջանառության նախաճգնաժամային ծավալը կվերականգնվի 2012 թ.: Չորեքշաբթի` հունվարի 20-ին, տեղի ունեցած մամուլի ասուլիսի ժամանակ Զայցևն ասաց, որ 2009 թ. Ռուսաստանի պաշտոնական տվյալներով երկու երկրների միջև ապրանքաշրջանառությունը կազմել է 710 մլն դոլար, մինչդեռ 2008 թ. միևնույն ցուցանիշն աճել էր 1 մլրդ դոլարով: Այդուհանդերձ, փորձագետը հուսով է, որ 2012 թ. ապրանքաշրջանառության նախաճգնաժամային ծավալը կվերականգնվի: Նշենք, որ Հայաստանից Ռուսաստան հիմնականում արտահանվում է կոնյակ և մի քանի գյուղատնտեսական ապրանքներ (դեղձ, ծիրան), իսկ Ռուսաստանից Հայաստան` ալյուր, շաքար և ձավարեղեն: Ըստ Զայցևի`համաշխարհային ֆինանսական ճգնաժամն ազդել է նաև Հայաստանում ռուսական ներդրումների մակարդակի վրա, որոնք անցյալ տարի կազմել են 300 մլն դոլար, ինչը 35 տոկոսով պակաս է, քան 2008 թ.: 1991 թ.-ից Հայաստանում ռուսական ներդրումների ընդհանուր ծավալը կազմում է շուրջ 2,5 մլրդ դոլար: Անցյալ տարի գրեթե 1,3-ով կրճատվել է նաև Ռուսաստանից Հայաստան ուղարկված դրամական փոխանցումների ծավալը (հիմնականում Ռուսաստանում արտագնա աշխատանքի մեկնածների փոխանցումները Հայաստան իրենց ընտանիքներին)` կազմելով 900 մլն դոլար (2008 թ.` 1,4 մլրդ դոլար): Հայաստանում Ռուսաստանի առևտրային ներկայացուցչի խոսքով` անցյալ տարի դրական գործոն դարձավ ռուսական կապիտալով աշխատող ձեռնարկությունների կայունության պահպանումը և ռուսական կողմից Հայաստանին տրամադրված 500 մլն դոլար վարկը: Հիշեցնենք, որ 2009 թ. գարնանը Ռուսաստանը երկրի տնտեսության կայունացման համար, մասնավորապես փոքր և միջին բիզնեսի ոլորտներում, ճգնաժամի պայմաններում Հայաստանին է տրամադրել 500 մլն դոլար կայունացման վարկ` 15 տարի մարման ժամկետով:
Other Articles in Տնտեսություն
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.