Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:31
Որոնել
Անվերջ վերակառուցում. ըստ Երևանի իշխանությունների` սկսվել են մեկ տարի առաջ փակված կամրջի վերակառուցման աշխատանքները
Մեկ տարվա դադարից հետո վերսկսվել են Վստրեչի կամրջի վերակառուցման աշխատանքները: «Գարեգին Նժդեհ» կամուրջը, որը ժողովրդի շրջանում առավել հայտնի է Վստրեչի կամուրջ անունով, փակվել է 2009 թ. փետրվարին` չորս տասնամյակում առաջին անգամ լայնածավալ վերանորոգում իրականացնելու նպատակով: Այդ պահից սկսած Երևանի երկու խոշոր արվարձանային համայնքների միջև երթևեկությունը փոխվել է` խնդիրներ ստեղծելով վարորդների և տեղի բնակիչների համար: 1965 թ. կառուցված կամուրջը տարիների ընթացքում անմխիթար վիճակում է հայտնվել և անհապաղ ամրացնելու կարիք ուներ: Հաշվի առնելով դա` դեռ 2007-ին Երևանի քաղաքապետարանի պատվերով կատարվել են ուղետարի հետազոտման և փորձարկման աշխատանքներ, ու որոշվել էր վերանորոգել կամուրջը: Սակայն աշխատանքներն սկսելուց կարճ ժամանակ անց պարզվել էր, որ կամուրջն իրականում պետք է ոչ թե վերանորոգել, այլ վերակառուցել: Աշխատանքն անորոշ ժամանակով դադարեցվել է` կախված նախագծի փոփոխման որոշումից, որը զգալի անհարմարություն է պատճառել տեղի բնակիչներին: Մարտի 16-ին լրագրողների հետ հենց կիսաքանդ կամրջի վրա հանդիպման ընթացքում Երևանի քաղաքապետարանի ծրագրերի իրականացման գրասենյակի տնօրեն Լևոն Հակոբյանը տեղեկացրեց, որ կամրջի վերակառուցման մրցույթում հաղթող ճանաչված «Կամուրջշին» ընկերությունն արդեն սկսել է աշխատանքները: Հակոբյանը տեղեկացրեց, որ կամրջի տակ գտնվող 29 ավտոտնակներից 15-ը ապօրինի են եղել և արդեն ապամոնտաժվել են, իսկ 12 ավտոտնակ ունեցող քաղաքացի էլ չի ցանկանում ազատել տարածքը: «Կառավարությունն այդ տարածքները հանրության գերակա շահ կճանաչի, և դրանք էլ կապամոնտաժվեն»,- ասաց Հակոբյանը` ավելացնելով, որ փոխարենն այդ մարդկանց կառաջարկվի երեք տարի իրենց մեքենաներն անվճար կայանել կամրջի տակ հետագայում կառուցվող բաց ավտոկայանատեղիում: Կամուրջը վերակառուցման ընթացքում սխեմատիկ փոփոխությունների չի ենթարկվի, սակայն ինչպես վստահեցրեց Հակոբյանը, նախկին 7-ի փոխարեն 9 բալ սեյսմակայունություն, նախկին 30-ի փոխարեն` 70 տոննա կրողունակություն, ինչպես նաև նոր բազրիքներ ու գեղեցիկ լուսավորություն կունենա: Երևանի քաղաքապետարանը կամրջի վերակառուցման համար հատկացրել է 1 մլրդ 800 մլն դրամ (մոտ 3,3 մլն դոլար):
Other Articles in Տնտեսություն
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.