Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Երևանի խանութներում և սուպերմարքեթներում ձու կարելի է գնել հատը 8-35 դրամով`(0,2-0,9 սենթ)` կախված ձվի չափսից, այն դեպքում, երբ երկար տարիներ ձուն ունեցել է կայուն գին` 40-65 դրամ (0,10-0,17 սենթ):

(Համաձայն Ազգային վիճակագրական ծառայության հունիսի 30-ին հրապարակած տվյալների` մայիսի համեմատությամբ հունիսին Հայաստանում գրանցվել է պարենային ապրանքների 1,3% գնանկում, ինչը մեծապես պայմանավորվել է ձվի, բանջարեղենի, մրգի և շաքարավազի 8,5-4,8% գնանկումով:)

Ոմանց կարծիքով`ձվի գնանկումը թռչնաբուծական ընկերությունների միջև մրցակցության հետևանք է:
Տեղեկություններ են հայտնվել, որ, օրինակ` Լուսակերտի տոհմային թռչնաբուծական ֆաբրիկան հավկիթը վաճառել է ինքնարժեքից էլ ցածր:
Ընկերությունը նույնիսկ ակցիա է հայտարարել իր գնորդների համար. 2500 դրամ (7 դոլար) արժեցող 100 ձու գնելու դեպքում գնորդը ստանում է «Ջրաշխարհի» մեկ անվճար տոմս, որն արժե 5000 դրամ (16 դոլար):
Այժմ ձու արտադրող ընկերություններն այն վաճառում են ինքնարժեքից` 29 դրամից (0,07 սենթ) էլ ցածր, այն դեպքում, երբ արտասահմանում ընդունված է նման դեպքերում (երբ կա տվյալ ապրանքի ավելցուկ) ապրանքը ոչնչացնել` ինքնարժեքը գերազանցող գինը վերականգնելու համար:

Հայկական մամուլում տեղեկություններ են հայտնվել, որ ձվի գինն առաջինն իջեցրել է Երևանի թռչնաբուծական ֆաբրիկան, որից հետո մրցակությանը դիմանալու համար գներն իջեցրել է նաև Լուսակերտի տոհմային թռչնաբուծական ֆաբրիկան: Ձվի գնի անկումը որոշակիորեն պայմանավորված է նաև ամառային սեզոնին ձվի պահանջարկի նվազումով, երբ մարդիկ խուսափում են շոգ եղանակին շուտ փչացող սննդամթերք գնել, սակայն նախորդ տարիներին գների նման կտրուկ անկում չի գրանցվել: Սակայն ամառային միտումը բավարար չէ գների կտրուկ անկումը բացատրելու համար:

Սպառողներից շատերի համար ձվի էժանացումը հաճելի անակնկալ է, և նրանք ուրախությամբ սովորականից շատ են ձու գնում:
«Երեկ հատը 15 դրամով 20 հատ ձու եմ առել, որ շաբաթ-կիրակի թոռներս գան, ձվածեղ սարքեմ»,- ասում է 67-ամյա թոշակառու Ռիտա Մինասյանը:
Շատ գնորդներ էլ կասկածանքով են նայում գնի այս կտրուկ իջեցմանը և ենթադրում, որ իրենց վաճառվում է հին, նույնիսկ փչացած ձու:

Էջմիածնի բնակիչ 42-ամյա Ռիմա Գևորգյանը պատմում է, որ հունիսի վերջին իր տղայի դպրոցի էքսկուրսիայի համար մոտ 50 ձու էին գնել, խաշել ու իրենց հետ տարել էքսկուրսիա:

«Համարյա 15 հատը թափեցինք, քանի որ տհաճ հոտ էր գալիս, առողջ տեսք չունեին»,- ասում է Գևորգյանը:

Հուլիսի 2-ին այս հարցին անդրադարձել է նաև ՀՀ տնտեսական մրցակցության պաշտպանության պետական հանձնաժողովը (ՏՄՊՊՀ):
Հանձնաժողովն իր արտահերթ նիստում որոշում է կայացրել «Հավի ձու` կճեպով» ապրանքային շուկայում գործող մի շարք տնտեսավարող սուբյեկտների նկատմամբ վարչական վարույթ հարուցելու մասին:
«Հիմք ընդունելով նշված ապրանքային շուկայում հանձնաժողովի կատարած դիտանցումների արդյունքները, ինչպես նաև վերջին օրերին մամուլի հրապարակումները ձվի շուկայում տեղի ունեցող մտահոգիչ երևույթների վերաբերյալ` ՏՄՊՊՀ-ն վարչական վարույթ հարուցեց տվյալ ապրանքային շուկայում գործող տնտեսավարող սուբյեկտների կողմից հավի ձվի իրացման գների իջեցմամբ «Տնտեսական մրցակցության պաշտպանության մասին» օրենքի հնարավոր խախտման վերաբերյալ»,- ասվում է ՏՄՊՊՀ տարածած հաղորդագրության մեջ, որտեղ չի նշվում, թե կոնկրետ ո´ր ընկերությունների նկատմամբ է հարուցվում վարույթը:

«Սպառողների իրավունքների պաշտպանություն» հասարակական կազմակերպության նախագահ Աբգար Եղոյանն ասում է, որ ձվի գնի նվազման պատճառը գերարտադրությունն է:

«Ձու արտադրող ընկերություններն ավելացրել են թռչունների քանակը, բացի այդ, այս սեզոնում հավերը ավելի շատ են ձու ածում, իսկ արտահանում ընդհանրապես չկա»,- «ԱրմենիաՆաուին» ասաց Եղոյանը:

Համաձայն Հայաստանի թռչնաբույծների միության տվյալների` 2009 թ. հանրապետությունում արտադրվել է 630 մլն ձու, սպառվել` 578 մլն-ը: 2010 թ. առաջին հինգ ամսում արտադրվել է 305,3 մլն ձու, որը 29,8 տոկոսով գերազանցում է նախորդ տարվա ցուցանիշը։