Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Անցյալ տարի բնակարանների թիվը նույնպես կրճատվել էր, նախատեսված 1320-ի փոխարեն գյումրեցիներին հանձնվեցին 1056-ը, իսկ այս տարի 1944-ի փոխարեն շահագործման կհանձնվեն 1750-ը:

«Շիրակ կենտրոն» հասարակական կազմակերպության ուսումնասիրությունների համաձայն` պատճառը մեկ, երկու և երեք սենյականոց բնակարանների կրճատման հաշվին չորս սենյականոց բնակարանների կառուցումն է:

Շիրակի մարզպետարանի քաղաքաշինության վարչության պետ Ալբերտ Մարգարյանն ասում է «ԱրմենիաՆաուին», որ բնակարանների նախատեսված թիվը պարտադրված չէ, հաշվառած են 190 ընտանիք, որոնք չորս սենյականոց բնակարանների կարիք ունեն:

Սպիտակի երկրաշարժի պատճառով անօթևան էր մնացել 22.060 ընտանիք, որոնցից 19.056-ը մինչև այսօր ապահովվել են բնակարաններով: Այս տարի նրանց թիվը կավելանա 1750-ով:

«Վախենում եմ, որ այս տարի էլ նախորդ տարվա պես բնակարան չստանամ դրանց թվի կրճատման պատճառով»,- ասում է 38-ամյա Արմենուհի Մաթևոսյանը, որն իր 62-ամյա մոր և երկու չափահաս երեխաների հետ ապրում է մեկ սենյականոց անմխիթար պայմաններում գտնվող տնակում:

Մարզպետարանում խոստանում են, որ առաջիկայում կընտրվեն այս տարի բնակարան ստացողները, իսկ մինչև 2013-ը բնակարանով կապահովվեն մնացած 1254 ընտանիքները:

2010 թվականին Շիրակի մարզում քաղաքաշինության ոլորտում իրականացվել են 35 մլրդ 700 մլն դրամի (99 մլն 160 հազար դոլար) շինաշխատանքներ, իսկ 2011-ին իրականացվելու են 38,2 մլրդ դրամի (105 մլն 500 հազար դոլար):