Հունիսի 2-ին ԵԱՀԿ երևանյան գրասենյակի և Տնտեսական մրցակցության պաշտպանության պետական հանձնաժողովի միջև ստորագրվել է փոխըմբռնման և համագործակցության հուշագիր, որը նպատակ ունի խթանելու Հայաստանում մրցակցային միջավայրի բարելավումը:
Համագործակցության հուշագրով նախատեսվում է ամրապնդել իրավակիրառական բազան, խթանել սոցիալ-տնտեսական կայուն զարգացումը:
ԵԱՀԿ երևանյան գրասենյակի ղեկավար, դեսպան Սերգեյ Կապինոսն ասել է, որ անհրաժեշտ է հավասար պայմաններ ապահովել հայ գործարարների համար, որը կարևոր է երկրում ավելի լավ գործարար միջավայր ստեղծելու համար:
«Հակամենաշնորհային օրենսդրության և հանձնաժողովի իրավունակության ամրապնդումը, փոքր ու միջին բիզնեսի արդյունավետ և համապարփակ զարգացման վրա կենտրոնացումը կարող են ամուր հիմքեր ստեղծել տնտեսության զարգացման խոչընդոտները հաղթահարելու համար»,- ասել է նա:
Փոխըմբռնման հուշագրով ԵԱՀԿ գրասենյակը կօժանդակի մրցակցային կանոնների և չափորոշիչների մշակմանը` ըստ միջազգային չափանիշներին համապատասխանող գնահատման ընթացակարգերի: Այն կօգնի նաև զարգացնելու և ներկայացնելու ցուցիչների ընդգրկուն համակարգ` ամրապնդելու մրցակցային արդյունավետ քաղաքականություն ու կօժանդակի Միջազգային մրցակցային ցանցի հետ Հայաստանի համագործակցությանը:
Հայաստանի տնտեսական մրցակցության պաշտպանության պետական հանձնաժողովի նախագահ Արտակ Շաբոյանը հավելել է. «Հայաստանի մրցակցային օրենսդրությունը բարեփոխվում է և, մասնավորապես, նախատեսվում է հանձնաժողովի վերահսկողության իրավասությունների ամրապնդում»:
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.