Readers' comments

• ABBC: Encouragement and support for UK-Armenia business growth

A chamber of commerce is a good idea but the Armenian government has to first shake off it's reputation as a band of lawless thugs before it can hope to attract any worthwhile investment. The country's development has been stymied by its recent past, with even ministers running amok and openly brandishing weapons in public! How can any investor worth his salt possibly invest in those type of...

Read commented Article

Post a comment

Read all 1 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

«Կազմակերպությունը միավորել է այն ընկերություններին, որոնք հայ-բրիտանական ծագում ունեն և գործում են Հայաստանում: Պետք է կարողանանք աջակցել և մեկ ընդհանուր դաշտ բերել բրիտանական ընկերությունների գործունեությունը Հայաստանում»,- «ԱրմենիաՆաուին» ասում է Հայ-բրիտանական գործարարության պալատի գլխավոր տնօրեն Արմինե Իսրայելյանը:

Պալատի կազմում այս պահին ընդգրկված են 15 ընկերություններ: Նրանց թվում են այնպիսի խոշոր ընկերություններ, ինչպիսիք են` «Բրիտանական ավիաուղիները», «HSBC բանկ Հայաստան», «Արփա-Սևան», «Ըրնսթ ընդ Յանգ» ընկերությունները:

(Այս կառույցը նման է Հայաստանում Ամերիկայի առևտրի պալատին (ՀԱԱՊ), որը հիմնվել է 2000 թ. և ներկայումս մոտ 80 անդամ կազմակերպություն ունի, որոնք ներկայացնում են տարբեր երկրներ և ներգրավված են բազմաթիվ ոլորտներում:)

Անցյալ ամիս ՀԲԳՊ-ի պաշտոնական բացման արարողության ժամանակ պալատի հիմնադիր և տնօրենների խորհրդի անդամ Հայկ Հարությունյանը նշել է, որ իրենց կազմակերպության նպատակն է նպաստել Հայաստանի և Միացյալ Թագավորության հարաբերությունների ամրապնդմանը կրթության, մշակութային կապերի, ֆինանսական ինտեգրման, տնտեսական համագործակցության և քաղաքացիական հասարակությունների համագործակցության ոլորտներում։

«Այսօր մենք խիստ կարևորում ենք Մեծ Բրիտանիայի գործարարների ներգրավվածությունը և հետագա ներդրումները Հայաստանի տնտեսության տարբեր ոլորտներում։ Մենք նախաձեռնել ենք նաև համանման կառույց ստեղծել Լոնդոնում»,–ասել է Հարությունյանը
Հայաստանում Մեծ Բրիտանիայի դեսպան Չարլզ Լոնսդեյլը նշել է. «ՀԲԳՊ-ն հնարավորություն կտա իր գործընկերներին ավելին իմանալու Հայաստանի մասին և կաջակցի ու կապահովի նրանց անհրաժեշտ տեղեկությամբ»:

ՀԲԳՊ-ը ծառայելու է որպես գործարար ցանցի մի օղակ, որի նպատակն է խթանել և ուժեղացնել հայ-բրիտանական առևտրային կապերը` հրավիրելով և ներգրավելով բրիտանական ներդրումները Հայաստան և, ընդհանուր առմամբ, նպաստելով բրիտանական բիզնես ներկայացուցչությունների հիմնադրմանը Հայաստանում: Պալատի հիմնական նպատակներից է նաև գործարարների շահերի պաշտպանությունը:

«Ցուցանիշները դրական են: Մեր այսօրվա անդամները միանգամից են հավաքվել, և դա արդեն ցուցանիշ է: Այն խոշոր ընկերությունները, որ այստեղ են, արդեն իսկ վստահություն են ներշնչում [մեզ]: Նրանք գիտակցում են այս պալատի կարևորությունը, այդ իսկ պատճառով միացել են մեզ»,- ասում է գլխավոր տնօրեն Իսրայելյանը:

Հայ-բրիտանական գործարարության պալատն առաջիկա օրերին նախատեսում է բացել իր կայքը` www.abbc.am.: