Այսօր Orange-ը հայտարարեց նոր սերնդի ինտերնետի առևտրային մեկնարկը Հայաստանի երեք մեծ քաղաքներում` Երևանում, Գյումրում ու Վանաձորում, և ներկայացրեց նորագույն «Ինտերնետ հիմա» 4 մոդեմը:

Նորագույն 3G+ ցանցը, որն ապահովում է մինչև 42 Մբ/վ ներբեռնման արագություն, թեստային ռեժիմով գործարկվել էր դեռևս երկու ամիս առաջ, և դրա փորձարկմանը մասնակցել են նաև Orange-ի բաժանորդներ և բլոգերներ: Երևանից, Գյումրուց և Վանաձորից դուրս «Ինտերնետ հիմա» 4 մոդեմով օգտվելու դեպքում բաժանորդին տեսականորեն հասանելի կլինի մինչև 21,1 Մբ/վ արագություն:

Նոր` արդեն մինչև 42 Մբ/վ ներբեռնման արագություն ապահովող ցանցը և տեխնիկապես մինչև 42 Մբ/վ արագություն ապահովող մոդեմը հնարավորություն են տալիս հաշված վայրկյանների ընթացքում բեռնել երաժշտություն, ֆիլմեր, ծրագրեր, խաղալ առցանց խաղեր, ինչպես նաև ֆիլմեր դիտել ինտերնետում առանց ընդհատումների, նույնիսկ HD որակով:

«Տեխնիկական փորձարկման շրջանը տևեց ուղիղ երկու ամիս, սակայն այն մեզ անհրաժեշտ էր` վստահ լինելու, որ մեր բաժանորդները մեծ մասամբ կունենան գոհացուցիչ փորձառություն: Այսօր հպարտությամբ կիսում ենք բոլորի հետ մեր նոր նվաճումը: Այժմ Հայաստանը Orange-ի աշխարհագրության այն հազվագյուտ երկրների շարքում է, որը տիրապետում է այս տեխնոլոգիային: Այն նոր որակական չափանիշ է երկրում և արտահայտում է մեր ցանկությունը` միշտ առաջարկել ամենանոր ու ամենավստահելի տեխնոլոգիան մեր բաժանորդներին»,- ասաց Orange-ի գլխավոր տնօրեն Բրունո Դյութուան:

«Ինտերնետ հիմա» 4 մոդեմը կարելի է ձեռք բերել հատուկ գնով` 11.000 դրամով և 20.000 դրամ ամսավճարով սակագնային պլաններին բաժանորդագրվելու դեպքում: «Ինտերնետ հիմա» 11.000 սակագնային պլանի այն բաժանորդները, որոնք կստորագրեն պայմանագիր 12 ամսով բաժանորդագրվելու պարտավորությամբ, կկարողանան ձեռք բերել «Ինտերնետ հիմա» 4 մոդեմը 39.000 դրամով, իսկ «Ինտերնետ հիմա» 20.000 սակագնային պլանի բաժանորդները` 19.000 դրամով: Մեկ տարին լրանալուց հետո մոդեմը կդառնա բաժանորդի սեփականությունը:

«Մենք ունենք բազմաթիվ բաժանորդներ, որոնք արդեն ունեն «Ինտերնետ հիմա»-ի բաժանորդագրություն: Չենք ցանկանում, որ նրանք կարծեն, թե շտապել են ձեռք բերել իրենց բաժանորդագրությունը: Նրանք կարող են իրենց ներկայիս «Ինտերնետ հիմա» 7,2 Մբ/վ կամ «Ինտերնետ հիմա» 14,4 Մբ/վ մոդեմը փոխարինել նոր և ավելի արագ` «Ինտերնետ հիմա» 42,2 Մբ/վ MF 680 մոդեմով: Անհրաժեշտ կլինի պարզապես կնքել բաժանորդագրությունը 1 տարով երկարացնելու պայմանագիր և դառնալ «Ինտերնետ հիմա» 11.000 կամ 20.000 դրամի սակագնային պլանի բաժանորդ»,- ասաց «Օրանժ Արմենիայի» մարքեթինգի տնօրեն Արամ Մկրտչյանը:

«Ինտերնետ հիմա» 4 մոդեմը կարելի է ձեռք բերել նաև առանց 12 ամսով բաժանորդագրվելու պարտավորության` 59.000 դրամով: