Հակակոռուպցիոն միջազգային կազմակերպության` վերջերս հրապարակած զեկույցի համաձայն` Հայաստանում ամենից շատ կոռումպացված է դատական համակարգը: Երկրորդ տեղում են պաշտոնյաներն ու քաղծառայողները, երրորդ տեղում` խորհրդարանը:

Բեռլինում գտնվող «Թրանսփարենսի նթերնեշնլի» չորեքշաբթի հրապարակած «Կոռուպցիայի համաշխարհային բարոմետր-2009 թ.» զեկույցի համաձայն` Հայաստանում հարցվածները որպես կոռումպացված համակարգեր նշել են նաև քաղաքական կուսակցությունները, բիզնես/մասնավոր հատվածը, ինչպես նաև ԶԼՄ-ները:

Մայիսի 31-ին տեղի ունեցած Երեւանի ավագանու ընտրությունների ընթացքում արձանագրված ընտրախախտումների կապակցությամբ ՀՀ հատուկ քննչական ծառայության վարույթում քննվող քրեական գործով հունիսի 1-ին ձերբակալվել են թիվ 8 ընտրատարածքի 05 տեղամասային ընտրական հանձնաժողովի անդամ Նորայր Եղիազարյանը և նույն տեղամասի ընտրող Արմեն Օհանյանը: Այս մասին Հայաստանի Հանրապետության դատախազությունը տեղեկություն է տարածել հունիսի 2-ին:

Ըստ դատախազության կայքէջում զետեղված հաղորդագրությանը` ձերբակալվածները կասկածվում են քվեարկության արդյունքները կեղծելու մեջ:

Նախագահ Սերժ Սարգսյանը մայիսի 29-ին կարգադրություն է ստորագրել Հանրային խորհրդի անդամների կազմը հաստատելու մասին:

Հաստատվել է Հանրային խորհրդի 24 անդամների կողմից ներկայացված` Հանրային խորհրդի անդամների հետեւյալ կազմը.

Հունիսի 2-ին Հայաստանի նախագահ Սերժ Սարգսյանը իրավապահ համակարգի պատասխանատուների մասնակցությամբ խորհրդակցություն է անցկացրել Հայաստանում համաներում հայտարարելու առաջարկով հանդես գալու հարցի վերաբերյալ:

«Ի հավելումն բոլոր քաղաքական ուժերին, հասարակական գործիչներին և Հանրային խորհրդին` համաներում անցկացնելու անհրաժեշտության և պայմանների վերաբերյալ առաջարկություններ ներկայացնելու` մայիսի 28-ին հնչեցված կոչին, Սերժ Սարգսյանը համապատասխան գերատեսչություններին հանձնարարել է մինչև սույն թվականի հունիսի 15-ը համաներման պայմանների և իրավական ընթացակարգերի վերաբերյալ ներկայացնել իրենց առաջարկությունները»,- նշված է հաղորդագրության մեջ. - ՀՀ նախագահի աշխատակազմին հանձնարարվել է նշված ժամկետում ամփոփել նաև քաղաքական ուժերից, գործիչներից և Հանրային խորհրդից ստացված առաջարկությունները»:

«Խայտառակություն» անվանելով ընտրությունները Հայաստանի գլխավոր ընդդիմադիր ուժը երկուշաբթի երեկոյան հայտարարեց, որ հրաժարվում են Երևանի ավագանու իրենց մանդատներից:

«Հայ ազգային կոնգրեսը չի պատրաստվում աշխատել այս իշխանությունների հետ»,- «Ա1+»-ը մեջբերում է ընդդիմության առաջնորդ Լևոն Տեր-Պետրոսյանի խոսքը, որը նա ասել էր հանրահավաքի ժամանակ Երևանի կենտրոնում բազմաթիվ աջակիցների առջև:

Կիրակի անցկացված Երևանի ավագանու ընտրությունների նախնական արդյունքներով`իշխող Հանրապետական կուսակցությունը ստացել է ձայների մեծամասնությունը, և նրա ցուցակի գլխավոր թեկնածուն կդառնա Երևանի քաղաքապետ:

Կենտրոնական ընտրական հանձնաժողովի տվյալներով` բոլոր քվեաթերթերը հաշվելուց հետո հանրապետականները 190,171 ձայնով (47,39 տոկոս) առաջին տեղում են, երկրորդը «Բարգավաճ Հայաստանն» է (91141 ձայն, 22,71 տոկոս), իսկ երրորդ տեղում ընդդիմադիր Հայ ազգային կոնգրեսն է (69871 ձայն, 17,41 տոկոս).

Միջազգային դիտորդների փոքր խումբը հիմնականում դրական գնահատական է տվել կիրակի տեղի ունեցած Երևանի ավագանու ընտրություններին` ասելով, որ դրանք հիմնականում եվրոպական չափանիշներին համապատասխանում էին:

Եվրոպայի խորհրդի Տեղական և տարածքային իշխանությունների կոնգրեսի 15 դիտորդները, ովքեր մայիսի 31-ին դիտորդական առաքելությամբ Երևանում էին, ասել են. «Բացթողումներ եղել են, որոնք, գուցեև, ազդել են արդյունքների, բայց ոչ օրինականության վրա»:

Երևանի ավագանու ընտրությունների արդյունքներով հետնապահների շարքում հայտնված կուսակցությունների առաջնորդները կիրակի տեղի ունեցած մայրաքաղաքային ընտրություններին միայն բացասական գնահատականներ են տալիս:

Կենտրոնական ընտրական հանձնաժողովի հրապարակած ընտրությունների նախնական արդյունքներով` չորս կուսակցություն` «Օրինաց երկիր» (ՕԵԿ), Հայ հեղափոխական դաշնակցություն (ՀՅԴ), Հայաստանի աշխատավորական սոցիալիստական (ՀԱՍԿ) և Ժողովրդականը (ԺԿ), չեն հաղթահարել 7 տոկոսանոց պարտադիր շեմը:

Կիրակի առավոտյան (08:00) Երևանում բացվեցին ընտրական տեղամասերը: Գրեթե երկու տասնամյակի ընթացքում սրանք ավագանու առաջին ընտրություններն են, որին մասնակցելու է ընտրելու իրավունք ունեցող 771,477 մարդ:

(1995 թ. ՀՀ սահմանադրության ընդունումից ի վեր Երևանի քաղաքապետին նշանակել է նախագահը: 2005 թ. սահմանադրական բարեփոխումներով, Եվրախորհրդի առաջ ստանձնած պարտավորությունների համաձայն` ուղղակիորեն ընտրված ավագանին իր հերթին կընտրի քաղաքապետ:)

Հայաստանում ավարտին են մոտենում հերթական ընտրությունները. ամբողջ օրվա ընթացքում ստացվում էին հաղորդագրություններ խախտումների մասին, սակայն դրանք հազիվ թե անդրադառնան վերջնական արդյունքների վրա:

Որոշ դիտորդական խմբեր արդեն հաղորդել են ակնհայտ խախտումների մասին, այդ թվում` մայրաքաղաքից դուրս գտնվող շրջաններից ամենայն հավանականությամբ ընտրելու իրավունք չունեցող մարդկանց զանգվածային տեղափոխում Երևան: