Select edition
English
Հայերեն
Որոնել
Ընտրությունների օր. 11.00. Նախագահի խոստումը. ընտրություններն արդար կլինեն
Վաղ առավոտյան ընտրողները ներկայացան ընտրատեղամաս` ընկած հերոսների ամենատես հայացքի ներքո իրենց ընտրությունը կատարելու
Նախագահ Ռոբերտ Քոչարյանը, որն ավարտում է իր պաշտոնավարումը մայիսին, խոստացել է, որ ընտրությունների ընթացքում կապահովվեն հավասարապես արդար պայմաններ: Եթե նա կատարի իր այդ խոստումը, ապա դա կլինի առաջինը վերջին առնվազն չորս նախագահական ընտրություններում, երբ Հայաստանը կբավարարի «ազատ ու արդար» միջազգային չափանիշները: 1996-ին այսօրվա ընդդիմադիր Լևոն Տեր-Պետրոսյանի վերընտրությունից, Քոչարյանի երկու ընտրություններից մինչև սահմանադրության հանրաքվե ու խորհրդարանական ընտրություններ` ընտրակեղծիքները եղել են հայաստանյան քաղաքական գործընթացների հիմնական բնորոշ գիծը: Ինչպես և նախորդ ընտրությունների ժամանակ, մի քանի հարյուր արտասահմանցի և հազարավոր տեղացի դիտորդներ այսօր հետևելու են ընտրությունների ընթացքին` արձանագրելով խախտումները: Երկուշաբթի Քոչարյանը դիմել է հենց այդ առաքելությունների ղեկավարներին: Հանդիպելով Եվրոպայի անվտանգության և համագործակցության կազմակերպության (ԵԱՀԿ) երկրների դիվանագիտական ներկայացուցչությունների ղեկավարների և եվրոպական կառույցների ներկայացուցիչների հետ` նախագահը, ըստ իր լրատվական ծառայության հաղորդագրության, հայտնել է ընտրությունները մաքուր անցկացնելու «վճռականության» մասին: Քոչարյանը նաև խոստացել է կիրառել բոլոր ռեսուրսները ընտրություններն անվավեր ճանաչելու դեպքում հնարավոր բոլոր անկարգությունների դեմ առնելու համար: Ընտրատեղամասերը դեռ չբացված` արդեն շրջանառվում է ընտրախախտման մասին մեկ տեղեկություն: Կենտրոնական ընտրական հանձնաժողովում «Ժառանգություն» կուսակցության ներկայացուցիչ Զոյա Թադևոսյանը հայտարարել է, թե Երևանի հարավում գտնվող ընտրատարածքներից մեկում երկուշաբթի անօրինական կերպով հաստատվել են հազարավոր քվեաթերթիկներ: Թադևոսյանը պնդում է, որ փորձել է դադարեցնել անօրինականությունը, սակայն չի կարողացել: Դեպքին ներկա մյուս կուսակցությունների, այդ թվում`Հայաստանի հանրապետական կուսակցության և Դաշնակցության ներկայացուցիչները ոչ մի խախտում չեն արձանագրել:
Other Articles in 2008
|
  |
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.