Select edition
English
Հայերեն
Որոնել
Ընտրության օր. 14:00. 9/11 ընտրատեղամասում. Սարգսյանն ու Տեր-Պետրոսյանն ընտրում են նույն տեղամասում, բայց տարբեր տրամադրությամբՎարչապետ Սերժ Սարգսյանն ու նրա հիմնական հակառակորդ առաջին նախագահ Լևոն Տեր-Պետրոսյանն այսօր քվեարկել են Երևանի թիվ 9/11 ընտրատեղամասում: Ի պատասխան լրագրողների հարցին` թե ով է հաղթելու, վարչապետը կատակել է. «Այնպիսի տպավորություն է, թե հենց նոր եք ժամանել Հայաստան, որովհետև ես քանիցս ասել եմ, թե ով է հաղթելու»: Տեր-Պետրոսյանի տրամադրությունը նույնքան ուրախ չէր. նրա համախոհները հավաքել են բազմաթիվ տեղեկություններ Սարգսյանի կողմնակիցների իրականացրած ընտրակեղծիքների մասին: Առաջին նախագահն ասաց, որ ունի «կոնկրետ փաստեր» այն մասին, որ իշխանամետ ուժերն արդեն կեղծել են ընտրությունները: Ընտրություն կատարելուց հետո դաշնակցության թեկնածու Վահան Հովհաննիսյանն ասել է, որ հույս ունի, թե «մեկ-երկու օրից ժողովուրդը հնարավորություն կունենա ասելու, որ այս անգամ ազատ ու արդար ընտրություններ են տեղի ունեցել»: Ստացված հաղորդագրությունները կասկածի տակ են դնում, որ Հովհաննիսյանի հույսերը կիրականանան… • Սարգսյանի հենակետ հանդիսացող Վանաձոր քաղաքի թիվ 31/03 ընտրատեղամասում «ԱրմենիաՆաուի» թղթակիցն ականատես է եղել, թե ինչպես են կուսակցության ներկայացուցիչները ընտրատեղամաս մտնելուց առաջ ներկա-բացակա անում ընտրողներին: Բացի այդ, ընտրատեղամասում հերթի կանգնածների միջև ընդհարում է տեղի ունեցել: • Վազգեն Մանուկյանի վստահված անձը հայտնել է, որ թիվ 3/29 տեղամասում միաժամանակ քվեարկել է 50-ից ավելի մարդ, որոնց բերել են Վանաձորից, Հրազդանից ու Կոտայքի մարզի Ակունք գյուղից: • Տեր-Պետրոսյանի կողմնակիցներից մեկը հաղորդել է, որ Տավուշի մարզի Ակնաղբյուր և Լուսաղբյուր գյուղերի տեղամասերում որպես դիտորդ նստած են եղել քաղաքացիական հագուստով զինծառայողներ, ինչը Ընտրական օրենսգրքի խախտում է: Նրանք գրանցված են որպես «Ազատ հասարակության ինստիտուտի» դիտորդներ:
Other Articles in 2008
|
  |
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.