Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Մեծացնել նկարը

Միջազգային դիտորդները ընտրության օրը «բարելավումներ» են նկատել

Ճիշտ այդպես էլ Եվրոպայի անվտանգության և համագործակցության կազմակերպությունը (ԵԱՀԿ) հայտարարել է, թե ընտրությունները «հիմնականում համապատասխանել են երկրի ստանձնած միջազգային պարտավորություններին»:

Երկու խոշոր դիտորդական առաքելություններն այսօր հրապարակել են իրենց նախնական զեկույցները, որոնք բնավ համահունչ չեն այն տեղեկություններին, որոնք երեկ ստացվում էին ընտրատեղամասերից` ենթադրաբար վկայելով զանգվածային ընտրախախտումներ:

«[Հայաստանի 1923] ընտրատեղամասերից մոտ 64 տոկոսում դիտարկված խախտումները զանգվածային բնույթ չէին կրում, զուտ տեխնիկական էին և չեն ազդել ընտրությունների արդյունքների վրա»,- ասվում է ԱՊՀ զեկույցում:

Առաքելության 193 դիտորդներն իրենց աշխատանքը սկսել են հունվարի 22-ից` ստեղծելով շտաբեր հանրապետության չորս մեծ քաղաքներում` Երևանում, Գյումրում, Վանաձորում ու Կապանում:

Առաքելության խմբի ղեկավար, ՌԴ Դաշնային ժողովի Դաշնային խորհրդի նախագահի տեղակալ Ալեքսանդր Տորշինը նշեց, որ ՀՀ իշխանությունները իրավական լավ հիմք էին ստեղծել ազատ ընտրություններ անցկացնելու համար:

«Նոր օրենսգրքով ամրագրված փոփոխությունները հնարավորություն են տվել անգամ քվեարկել փաստացի բնակության վայրում, որը ժողովրդավարական գործընթացի կարևոր ցուցանիշ է: Հնարավորություն էր ընձեռված նաև տեղաշարժման դժվարություն ունեցողների համար»,- ասում է Տորշինը:

ԵԱՀԿ զեկույցի ուշադրության կենտրոնում էր քվեաթերթիկների հաշվարկի գործընթացը: Այն չէր անդրադարձել ընտրախախտումների մասին հայտարարություններին:

Հիմնականում ընդունելով նախագահական ընտրությունները, որոնք հաղթանակ բերեցին Սերժ Սարգսյանին, մոտ 400 դիտորդների տվյալների վրա հիմնված ԵԱՀԿ զեկույցում նշվում է, որ «վերջնական ընտրությունը Հայաստանի ժողովրդի ձեռքում է»:

Իսկ ՌԴ Պետդումայի պատգամավոր Կոնստանտին Զատուլինը` անդրադառնալով Հայաստանի ներքաղաքական իրավիճակի հնարավոր լարվածությանը, ընդդիմությանը խորհուրդ տվեց «մտածել Հայաստանի ապագայի մասին»` շեշտելով, որ անկայությունն ու լարվածությունը քաղաքական գործընթացի «վատ ուղեկից» են:

«Ես հարգում եմ ՀՀ առաջին նախագահին, բայց պետք է արձանագրեմ, որ նա իրեն փակուղի է մտցրել: Դեռ ուշ չէ մտածել Հայաստանի կայունության մասին»,- ասել է Զատուլինը: