Կիրակի անցկացված Երևանի ավագանու ընտրությունների նախնական արդյունքներով`իշխող Հանրապետական կուսակցությունը ստացել է ձայների մեծամասնությունը, և նրա ցուցակի գլխավոր թեկնածուն կդառնա Երևանի քաղաքապետ:

Կենտրոնական ընտրական հանձնաժողովի տվյալներով` բոլոր քվեաթերթերը հաշվելուց հետո հանրապետականները 190,171 ձայնով (47,39 տոկոս) առաջին տեղում են, երկրորդը «Բարգավաճ Հայաստանն» է (91141 ձայն, 22,71 տոկոս), իսկ երրորդ տեղում ընդդիմադիր Հայ ազգային կոնգրեսն է (69871 ձայն, 17,41 տոկոս).

Բոլոր երեքն էլ ապահովել են իրենց տեղը քաղաքի ավագանիում:

«Օրինաց երկիրը» (20959 ձայն, 5,29 տոկոսը) և Հայ հեղափոխական դաշնակցությունը (18648 ձայն, 4,65 տոկոս), համապատասխանաբար 4-րդ և 5-րդ տեղերում են: Երկուսին էլ չի հաջողվել հաղթահարել 7 տոկոսանոց արգելքը` 65 անդամ ունեցող ավագանիում ընդգրկվելու համար:

Ժողովրդական կուսակցությունը ստացել է 8569 ձայն (2,14 տոկոս), իսկ Հայաստանի աշխատավորական սոցիալիստական կուսակցությունը` 1951 ձայն (0,49 տոկոս):

Օրենքի համաձայն` կուսակցությունը պետք է ստանա ձայների 40 տոկոսը` ավագանիում գերակշռելու համար: Այդ դեպքում նրա գլխավոր թեկնածուն մեխանիկորեն կդառնա քաղաքապետ:

(Կիրակի երեկոյան ԿԸՀ-ի հրապարակած արդյունքների համաձայն` ընտրելու իրավունք ունեցող Երևանի 771,477 քվեարկողներից 407,745-ը (52,85 տոկոսը) մասնակցել է ընտրություններին:)