Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Օրենքի համաձայն` ծխել չի թույլատրվում բժշկական և կրթական հաստատություններում, ինչպես նաև քաղաքային տրանսպորտում, ավտոբուսային և երկաթուղային կայարաններում: Օրենքը պարտավորեցնում է բոլոր հասարակական և պետական հաստատություններին առանձնացնել ծխելու գոտիներ:

Սակայն, ժամանակն անցնում է, ծխողների թիվն ավելանում, իսկ գովազդը, չնայած արգելքներին, շարունակում համոզել, որ ծխելը լավ բան է, իսկ ծխախոտը` հաճույք:

«Չնայած մեր երկիրը վավերացրել է Առողջապահության համաշխարհային կազմակերպության ծխախոտի դեմ պայքարի շրջանակային կոնվենցիան և ընդունել է ծխախոտի օգտագործման սահմանափակումների մասին օրենք, սակայն այս փաստաթղթերի ընդունմամբ գործը տեղից չի շարժվել, որովհետև օրենքն ընդունելուց հետո այն չի հասցվել հասցեատիրոջը»,- ասում է Հայկական բժշկական ասոցիացիայի հասարակայնության հետ կապերի հանձնախմբի ղեկավար Վահե Տեր-Մինասյանը:

Ըստ Տեր-Մինասյանի` հասցեատերը առաջին հերթին հանրապետության բժիշկներն են, որոնցից շատերը ներքուստ չեն հավատում ծխելու վնասակարությանը: Եվ ինչպես շատ բժիշկների, այնպես էլ մյուսների համար Հայաստանում ծխախոտը շարունակում է ընկալվել որպես կենցաղի միապաղաղությունը կոտրող, նյարդային գրգռվածությունը վերացնող և պարզապես փոքր հաճույք պատճառող սովորույթ, որից երբեմն անհնար է հրաժարվել:

«Բժիշկը պետք է ներքուստ ընդունի, հասկանա այդ խնդիրը, որ բացատրի հիվանդներին, համոզի մարդկանց թողնել ծխելը, սակայն Հայաստանում բժիշկների ավելի քան 80 տոկոսը ծխող է, ինչը նորմալ չէ,- ասում է Տեր-Մինասյանը: - Օրենքը գրվել է, բայց տեղ չի հասել»:

Ծխախոտի վնասների մասին ուղերձը «տեղ հասցնելու» համար Հայկական բժշկական ասոցիացիան Բաց հասարակության ինստիտուտի օժանդակությամբ վերջին չորս ամիսների ընթացքում իրականացրել է «ՀՀ հակածխախոտային քաղաքականությունը առողջապահական համակարգում» ծրագիրը, որի նպատակն առաջնային բուժհաստատությունների աշխատակիցներին հակածխախոտային պայքարի մեջ ներգրավելն ու նրանց իրազեկությունը բարձրացնելն է:

Երկու ամսվա ընթացքում ՀԲԱ-ն ուսումնասիրություն է անցկացրել Երևանի 30 պոլիկլինիկաներում` պարզելու համար, թե ինչ չափով են դրանք ներգրավված հակածխախոտային պայքարում:

Մոնիտորինգի ընթացքում փորձ է արվել պարզելու` պոլիկլինիկաներում ծխո՞ւմ են, թե՞ ոչ, աղբարկղերում ծխախոտի մնացուկներ և սենյակներում մոխրամաններ կա՞ն, թե՞ ոչ:

Մոնիտորինգի ծրագիրը ծախսել է 5000 դոլար, որպեսզի հաստատի այն, ինչ ակնհայտ է. հակածխախոտային քարոզարշավը վատ է կազմակերպված և գրեթե անարդյունք է:

Ծրագրի շրջանակներում Երևանի թիվ 22 պոլիկլինիկան` որպես ամենաքիչ ծխող աշխատող ունեցող, պարգևատրվել է համակարգչով: Պոլիկլինիկայի վարիչ Լյուդմիլա Մկրտչյանի հավաստմամբ` 130 հոգանոց իրենց կոլեկտիվում ընդամենը երկու ծխող կա: