Օրերս ֆրանսիական Մարսել քաղաքում տեղի է ունեցել Amnesie Internationale կազմակերպության հինգերորդ միջոցառումը, որի նպատակն է հակազդել 20-րդ դարի ցեղասպանությունների ժխտման քաղաքականությանը: Մտավորականության և արվեստի մի շարք ներկայացուցիչների հետ մեկտեղ միջոցառմանը մասնակցել է Ֆրանսիայում ԼՂՀ մշտական ներկայացուցիչ Հովհաննես Գևորգյանը:

Լարված, ինչ-որ առումով ապշեցնող քվեարկությամբ` 23:22, ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովը հավանություն տվեց Հայոց ցեղասպանությունը ճանաչող Ներկայացուցիչների պալատի 252 բանաձևի նախագծին:

Լոբբիստներն ու վերլուծաբաններն ուշի ուշով հետևում էին պալատում ընթացող քվեարկությանը: Մինչև վերջին պահը «դեմ» քվեարկողների ձայները գերազանցում էին «կողմ» քվեարկողներին, երբ հայամետ կողմը երեք ձայն տվեց (մեկ անդամ չքվեարկեց):

Միացյալ Նահանգների Կոնգրեսի Ներկայացուցիչների պալատի արտաքին հարաբերությունների հանձնաժողովն այսօր սկսում է Ներկայացուցիչների պալատի 252 բանաձևի լսումները, որը հորդորում է ԱՄՆ կառավարությանը որդեգրել Հայոց ցեղասպանությունը ճանաչելու քաղաքականություն:

Այս շաբաթ Երևանում տեղի ունեցավ Միացյալ Թագավորության թագուհու խորհրդականի կոչում ունեցող, միջազգային իրավունքի հեղինակավոր մասնագետ Ջեֆրի Ռոբերթսոնի «Արդյոք եղե՞լ է Հայկական եղեռն» տեսակետի էլեկտրոնային հայերեն տարբերակի շնորհանդեսը:

ԱՄՆ-ի ավիացիոն և ռազմական արդյունաբերության ղեկավարները հորդորում են Ներկայացուցիչների պալատի օրենսդիրներին` չընդունել բանաձևը, որն Առաջին աշխարհամարտի տարիներին թուրքերի կողմից հայերի կոտորածը որակում է ցեղասպանություն` զգուշացնելով, որ դա կարող է վտանգել ԱՄՆ արտահանումները Թուրքիա:

«Ցեղասպանության վերաբերյալ Թուրքիայի և Հայաստանի միջև տևական հակամարտությունն» ուսումնասիրող ԱՄՆ ամենահայտնի հետաքննական լրատվական հեռուստաալիքի ամերիկացի թղթակից Բոբ Սայմոնը մեկնել էր ներկայիս Սիրիական անապատ, որն աշխարհի ամենամեծ հայկական գերեզմանոցն է հիշեցնում:

Թուրքիայի արտգործնախարարության մամուլի խոսնակ Բուրաք Օզուգերգինը երկուշաբթի Անկարայում հայտարարել է, թե Թուրքիան ակնկալում է, որ ԱՄՆ Ներկայացուցիչների պալատի արտաքին հարաբերությունների հանձնաժողովը մերժելու է 1915 թ. դեպքերի մասին բանաձևը, որպեսզի «այդ բանաձևը չվնասի թուրք-ամերիկյան հարաբերությունները և Թուրքիայի ու Հայաստանի միջև հարաբերությունների կարգավորման ջանքերը»:

Հինգշաբթի Թուրքիան զգուշացրեց, որ եթե հաջորդ ամսվա սկզբին Կոնգրեսի Ներկայացուցիչների պալատի արտաքին հարաբերությունների հանձնախմբի ներկայացրած Հայոց ցեղասպանության բանաձևն ընդունվի, ապա այն կխոչընդոտի Հայաստանի հետ հարաբերությունների կարգավորումը:

Թուրքիան կարծում է, թե ԱՄՆ Կոնգրեսում` Օսմանյան կայսրությունում Հայոց ցեղասպանության ճանաչման ևս մի բանաձևի քննարկումը փորձ է ճնշում գործադրելու Հայաստանի հետ, ըստ էության, տեղապտույտ տվող հարաբերությունների կարգավորման գործընթացի վրա:

Ամերիկայի հայ դատի հանձնախմբի (ԱՆԿԱ) հաղորդմամբ` ԱՄՆ Կոնգրեսի Ներկայացուցիչների պալատի արտաքին հարաբերությունների հանձնախմբի նախագահ Հովարդ Բերմանը (դեմոկրատ` Կալիֆորնիա), որը Կոնգրեսում զբաղվում է մարդու իրավունքների պաշտպանության հարցերով և ամերիկահայ համայնքի վաղեմի բարեկամներից է, հինգշաբթի` մարտի 4-ին, իր հանձնախմբում քվեարկության կդնի Հայոց ցեղասպանության բանաձևը (թիվ 252):