Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Դատապարտված ձախողման. Մեծ Բրիտանիայի Լորդերի պալատը չի ողջունում Հայոց ցեղասպանության բանաձևը
Քննարկումը նախաձեռնել էր բարոնուհի Քերոլայն Քոքսը` կոչ անելով «Օսմանյան կայսրությունում հայերի զանգվածային կոտորածները ճանաչել որպես Ցեղասպանություն»: Մոտ մեկ ժամ տևած քննարկման ընթացքում Քոքսը, տարբեր փաստերի ներկայացմամբ, հայտարարել է, որ «պետք է միանալ քաղաքակիրթ ազգերի շարքին, որոնք ճանաչել են Հայոց ցեղասպանությունը, հատկապես, հաշվի առնելով, որ այս տարի լրանում է 1915 թվականին տեղի ունեցած Հայոց ցեղասպանության 95-րդ տարելիցը»: Նախաձեռնությանը դեմ է արտահայտվել բարոնուհի Գլենիս Քինոքը, որը, «Ազատություն» ռադիոկայանի հաղորդմամբ, խորհուրդ է տվել խուսափել Ցեղասպանություն բառն օգտագործելուց` չխանգարելով հայ-թուրքական հարաբերությունների կարգավորման գործընթացին: Մեծ Բրիտանիայում գործող հայկական «Արմենիա սոլիդարիթի» կազմակերպությունը քննարկումների նախաշեմին հայտարարություն և հատուկ բուկլետներ է տարածել բրիտանացի խորհրդարանականների շրջանում` քննադատելով Մեծ Բրիտանիայի արդարադատության նախարար Ջեկ Սթրոյին: Ըստ կազմակերպության` Սթրոյը Թուրքիայի վարչապետ Ռեջեփ Թայիփ Էրդողանի` Լոնդոն կատարած այցի ժամանակ խոստացել էր Անկարային, որ Մեծ Բրիտանիան չի ընդունի Հայոց ցեղասպանության մասին օրինագիծը: «Մենք կոչ ենք անում խորհրդարանականներին ճնշում գործադրել Մեծ Բրիտանիայի վարչապետի վրա, որպեսզի նա նկատողություն անի Ջեկ Սթրոյին` Հայոց հոլոքոսթի ժխտման համար»,- նշվում է նրանց հայտարարության մեջ: Հայ թուրքագետները, հաշվի առնելով ոչ միայն Սթրոյի, այլև բրիտանացի այլ պաշտոնյաների, այդ թվում` Մեծ Բրիտանիայի վարչապետ Գորդոն Բրաունի նման հայտարարությունները, կարծում են, որ Լորդերի պալատի քննարկումը պարզապես մի խումբ անհատների նախաձեռնություն է, որը, սակայն, արդյունք չի տալու: «Ըստ իս` այս նախաձեռնությունը 100 տոկոսով ենթակա է տապալման, քանի որ Մեծ Բրիտանիան միշտ էլ ուղղամիտ է եղել ու հստակ հասկացրել է, որ չի ցանկանում վտանգի տակ դնել թուրք-բրիտանական հարաբերությունները»,- «ԱրմենիաՆաուին» ասում է թուրքագետ Արտակ Շաքարյանը: Վերջին մեկ ամսում Ցեղասպանության ճանաչման բանաձևեր են ընդունել Շվեդիայի Ազգային ժողովը (մարտի 11) և ԱՄՆ Ներկայացուցիչների պալատի հանձնաժողովը (մարտի 4-ին):
Other Articles in Ցեղասպանություն
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.