արտգործնախարար Ահմեդ Դավութօղլուից, թե ինչպես է պատահել, որ Հայոց ցեղասպանության մասին պատմող գերմանացի ռեժիսորի նկարահանած վավերագրական ֆիլմը ցուցադրվել է Գերմանիայի հեռուստատեսությամբ: «Աղետ. Ցեղասպանություն» վերնագրով ֆիլմի ռեժիսորը Էրիկ Ֆրիդլերն է, որը «համոզիչ կերպով ապացուցում է Հայոց ցեղասպանության բացարձակ ճշմարտությունը» ( գրում է Հայկական հիշատակության կենտրոնը ).

Ֆիլմը Գերմանիայում ցուցադրվեց անցյալ շաբաթավերջին և բացառիկ դրվատանքի արժանացավ: Օգտագործելով ցեղասպանության ականատես 23 գերմանացիների, ամերիկացիների և այլոց կենդանի խոսքը և «զինված» արխիվային նյութերով` նրա ֆիլմը հմտորեն պատասխան է տալիս վարչապետ Էրդողանի մարտահրավերին, որը հոխորտում է աշխարհի վրա` «Դե ապացուցե´ք»: Իհարկե, Թուրքիայի նման արձագանքը կանխատեսելի էր:

Ենթադրելով, որ պետությունն իրավասու է արգելելու ազգային հեռուստատեսությամբ ցանկացած ֆիլմի ցուցադրություն, Արիթմանը հարց է տվել. «Ինչո՞ւ Գերմանիայում Թուրքիայի դեսպանին այդ առնչությամբ չեն կանչել Թուրքիայի արտգործնախարարություն` խորհրդակցության»: «Ինչո՞ւ Գերմանիայի իշխանություններին տեղյալ չի պահվել, որ այդ ֆիլմը կարող է վնասել թուրք-գերմանական հարաբերությունները»: «Արդյո՞ք Հայոց ցեղասպանության առնչությամբ հնչած հայտարարություններին Թուրքիայի պետության լռությունը նրա քաղաքական մարտավարությունն է»:

Այնքան էլ զարմանալի չէր, որ ֆիլմում ներկայացված խոսուն պատկերները և հարուստ փաստերը, որոնք հավաքվել էին Մոսկվայի և Վաշինգտոնի արխիվներից, չկարողացան կոտրել թուրք ժողովրդի մեջ վաղուց ձևավորված կարծրատիպերը: Ռեժիսոր Ֆրիդլերը հայտարարել է, որ իր գտած նոր փաստերը զարմացրել են անգամ նրանց, ովքեր իրեն մասնագիտական խորհուրդներ էին տալիս: Այնպիսի փաստագրական նյութեր, ինչպիսին 1943 թ. Թալեաթ փաշայի (սպանվել է Բեռլինում 1921 թ.) «ճոխ» թաղումն էր, առաջին անգամ էր ցուցադրվում: Ֆիլմում, որը նկարահանել է Norddeutscher Rundfunk ընկերությունը (NDR, «Հյուսիսային Գերմանիայի հեռարձակում»), անդրադարձ է կատարվում Ցեղասպանության քաղաքական դրդապատճառներին և ցայսօր շարունակվող լռությանը:

Ֆիլմն ամբողջությամբ դիտելու համար սեղմե´ք այստեղ