Readers' comments

• Analysis: Odds against Knesset recognition of Armenian Genocide

It is a myth that Ottoman Jews have engineered the Armenian genocide. Many of the Ottoman Young Turk leaders mentioned above, were also antisemitic, even though some of them had ancestors who were forced to convert to Islam with death threats. (It is also known that some Nazi leaders had distant Jewish ancestors, but this is not enough to conclude that the Holocaust the Holocaust on the Jews.) ...

Read commented Article

Post a comment

Read all 10 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Արտաքին հարաբերությունների և պաշտպանության հարցերի մշտական հանձնախմբի գործունեության վրա մեծ ազդեցությունն ունի Թուրքիայի և Ադրբեջանի լոբբինգը, և հարցը կարող է մեկ անգամ ևս մոռացության մատնվել:

2007 թ. Հակազրպարտչական լիգան (ADL) հայտարարեց, որ 1915 թ. 1,5 մլն հայերի կոտորածները կճանաչի Հայոց ցեղասպանություն: Այդ կազմակերպության նախագահ Աբրահամ Ֆոքսմանը հաղորդեց, որ որոշումն ընդունվել է մանրամասն քննարկվելուց հետո:

Այդ հաղորդումը զայրացրել էր Թուրքիային: Անկարայում Իսրայելի դեսպանի հետ հանդիպման ընթացքում Աբդուլլահ Գյուլը, որն այն ժամանակ Թուրքիայի արտգործնախարարն էր, իր երկրի անունից «զայրույթ և հիասթափություն» հայտնեց:

Նա նաև հայտարարել էր, որ «Հակազրպարտչական լիգայի հայտարարությունը, իհարկե, արվել է առանց պաշտոնական միջամտության: Սակայն Իսրայելը կարող էր ինչ-որ բան անել` խոչընդոտելու այդ հայտարարությունը»:

Վարչապետ Ռեջեփ Թայիփ Էրդողանը քննարկել է հարցը Իսրայելի նախագահ Շիմոն Պերեսի հետ, որը բազմիցս ընդգծել է, որ «հայկական ողբերգությունը չպետք է խառնել ցեղասպանության հետ»:

Վերջին երկու տարիներին Կնեսետում բավական բուռն քննարկումներ են ընթանում Հայոց ցեղասպանության հարցի քննարկումը օրակարգում ընդգրկելու նպատակահարմարության հարցի շուրջ:

2008 թ. մարտի 26-ին, երբ Կնեսետում քննարկվում էր Հայոց ցեղասպանության ճանաչման հարցն օրակարգում ընդգրկելու առաջարկը, իսրայելա-ադրբեջանական բարեկամության խորհրդարանական ընկերակցության նախագահ, Կնեսետի պատգամավոր Յոզեֆ Շագալը («Իսրայելը մեր տունն է» կուսակցության անդամ) նոր առաջարկություն արեց` հարցը արտաքին հարաբերությունների և պաշտպանության հարցերի մշտական հանձնախմբին փոխանցելու մասին, որտեղ էլ գործը սառեցվեց:

Եվ ահա երկու տարի անց հարցը կրկին Կնեսետի օրակարգում է:

Այս անգամ Բենյամին Նաթանյահուն առաջարկեց օրինագծի հետագա քննարկումը տեղափոխել Կնեսետի արտաքին հարաբերությունների և պաշտպանության հարցերի մշտական հանձնախումբ, որտեղ մեծ է Թուրքիայի և Ադրբեջանի լոբբիի ազդեցությունը:

Այս հանգամանքը ձեռնտու է «Իսրայելը մեր տունն է» խմբակցությանը, որը քվեարկել է նախաձեռնության դեմ:

Ապրիլի 17-ին Յոզեֆ Շագալը, որը նաև այդ խմբակցության անդամ է, 1news.az-ին տված բացառիկ հարցազրույցում հայտարարել է. «Այսպես կոչված «հայոց ցեղասպանության» ճանաչման կողմնակիցները ներկայացնում են Իսրայելի մարգինալ խորհրդարանականների մի նեղ խումբ, և այս թեման, հավանաբար, գեթ ինչ-որ կերպ իրենց քաղաքական գոյության մասին հիշեցնելու միակ հնարավորությունն է»:

60-ամյա Շագալը ծնվել և մեծացել է Բաքվում, որտեղ և ապրել է կյանքի մեծ մասը: Ավարտել է Ադրբեջանի պետական համալսարանի պատմության ֆակուլտետը: Մինչև Իսրայել հայրենադարձվելը Բաքվում աշխատել է լրագրող:

Նշենք, որ հարցի նախաձեռնող խորհրդարանական Խայիմ Օրոնը նույնպես քիչ հավանական է համարում «դրական արդյունքը», սակայն վստահ է, որ անհրաժեշտ է հասնել հարցի արդարացի լուծմանը և ճանաչել Հայոց ցեղասպանությունը:

Իսրայելի պաշտոնական դիրքորոշումը բազմիցս հայտարարվել է. «Իսրայելը ճանաչում է հայերի ողբերգությունը, սակայն այն չի կարող համեմատվել ցեղասպանության հետ, ինչը չի նվազեցնում ողբերգության չափը: Հոլոքոստն աննախադեպ երևույթ է, և ոչինչ, այդ թվում նաև` հայերի ողբերգությունը, չի կարելի համեմատել հրեաների ցեղասպանության հետ»: