Readers' comments

• Passed: French Senate outlaws Armenian genocide denial

If you have not seen the movie 'the Lark Farm', I highly recommend it you do so. It is an Italian film production about an Armenian family facing horrendous days during the early 1900's brought upon by, Turkish Genocide Industry. This film is a well balanced movie and it also gives you a basic idea on how the 'Good' Turks came to the rescue of their Armenian neighbors. You can go to you tube to w...

Read commented Article

Post a comment

Read all 4 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Խորհրդարանի վերին պալատի 348 սենատորների քվեարկությունն ավարտվեց 127:86 ձայների հարաբերակցությամբ` հօգուտ օրինագծի, որը հայտնվել էր միջազգային հանրության ուշադրության կենտրոնում և իրարամերժ կարծիքների տեղիք տվել` դեկտեմբերին խորհրդարանի ստորին պալատում հավանության արժանանալուց ի վեր: Սենատորները մինչև քվեարկության անցնելը (տեղական ժամանակով երկուշաբթի լույս երեքշաբթի` 01:30-ին, Փարիզի ժամանակով` 10:30-ին) 7 ժամ քննարկեցին օրինագիծը:

Ըստ նոր օրենքի` Ֆրանսիայի ենթակայության տակ գտնվող ցանկացած ոք, որը կժխտի նույն երկրի կողմից ճանաչված որևէ ցեղասպանություն, կդատապարտվի մեկ տարվա ազատազրկման և կտուգանվի 45.000 եվրոյով (մոտ 58.000 դոլար): Ընդունած օրենքը այժմ պետք է ստորագրի նախագահ Նիկոլա Սարկոզին, որի աջաթևյան UMP կուսակցությունն էր առաջ քաշել օրինագիծը, որը սատարում էին նաև սոցիալիստները:

Հազարավոր ֆրանսահայեր և թուրքեր քվեարկությունից առաջ Փարիզում` Սենատի շենքի մոտ, պիկետի էին դուրս եկել:

Ինչպես և ենթադրվում էր, Երևանը դրվատեց Ֆրանսիայի օրինագիծը, իսկ Անկարան ավելի վաղ զգուշացրել էր, որ կխստացնի Ֆրանսիայի հետ բոլոր կապերը, որոնք արդեն «սառեցված» էին դեկտեմբերի 22-ից ի վեր, երբ Ֆրանսիայի խորհրդարանականները հավանություն էին տվել օրինագծին:

Թուրքիայի «Անադոլու» պետական լրատվական գործակալության հաղորդմամբ` Թուրքիայի արտգործնախարար Ահմեդ Դավութօղլուն ասել է, որ իրենք նախապես որոշել են, թե ինչ քայլեր են ձեռնարկելու, եթե օրինագիծը վերջնականապես ընդունվի: «Ոչ ոք դրանում թող չկասկածի»,- նշել է Դավութօղլուն:

Մինչ այդ Ֆրանսիան փորձել է մեղմել Թուրքիայի զայրույթը: «Թուրքիան Ֆրանսիայի շատ կարևոր գործընկերը և դաշնակիցն է»,- ասել է Ֆրանսիայի արտգործնախարարության խոսնակ Բեռնար Վալերոն:

Ֆրանս-թուրքական հարաբերությունները մեկ անգամ արդեն հայտնվել են ճգնաժամում 2001 թվականին, երբ Փարիզում խորհրդարանականները ճանաչել են Օսմանյան կայսրությունում 1,5 մլն հայերի զանգվածային կոտորածներն ու տեղահանությունները որպես ցեղասպանություն: Երկու երկրների միջև քաղաքական, առևտրային և ռազմական կապերը վերականգնվեցին կարճ ժամանակ անց, թեև որոշ տարաձայնություններ դեռևս առկա էին, այդ թվում` Ֆրանսիայի դեմ լինելը Թուրքիայի` Եվրամիության անդամակցությանը: