Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:31
Որոնել
Նոր մոտեցում. Ղարաբաղի նախագահն առաջարկում է վերանայել բանակցային գործընթացի ձևաչափը
ԼՂՀ նախագահ Բակո Սահակյանն առաջարկում է բանակցությունները սկսել նոր հիմքի վրա: Սահակյանը չմասնավորեց իր առաջարկության էությունը, սակայն նրա վարչակազմի տեղեկատվության վարչության ղեկավար Դավիթ Բաբայանը լրագրողների հետ զրույցում ասաց, որ Ղարաբաղն առաջարկում է բանակցությունները սկսել նոր հիմքի վրա: Թեև ղարաբաղյան հակամարտության հիմքում 1991 թվականից անկախություն հռչակած Ղարաբաղի կարգավիճակի ճանաչումն է, 1993-ից սկսված բանակցություններում առանցքային է դարձել տարածքների պատկանելության հարցը: Ադրբեջանը պնդում է, որ խախտված է իր տարածքային ամբողջականությունը և հրաժարվում է քննարկել որևէ հարց` առանց հողերի վերադարձման: Հայկական կողմը պնդում է, որ տարածքները լոկ հակամարտության հետևանք են, և այդ հարցը կարելի է կարգավորել միայն Ղարաբաղի կարգավիճակը որոշելուց հետո: Ադրբեջանի պահանջն ընկած է ԵԱՀԿ Մինսկի խմբի հակամարտության կարգավորման Մադրիդյան սկզբունքների հիմքում: Հայաստանը դեռևս չի պատասխանել` արդյոք ընդունո՞ւմ է նորացված Մադրիդյան սկզբունքները` որպես բանակցությունների հիմք: Տարածքների պատկանելության հարցը կարող է քննարկվել ՄԱԿ-ի միջազգային դատարանում: Սակայն այդ դատարանի վճիռը իրավաբանական ուժ չունի: Չորեքշաբթի` փետրվարի 17-ին, երբ Կոսովոն տոնում էր անկախության երկրորդ տարեդարձը, Սերբիայի արտգործնախարար Վուկ Երեմիչը հայտարարեց, թե Բելգրադն ակնկալում է, որ ՄԱԿ-ի միջազգային դատարանը Կոսովոյի անկախության հռչակումն անօրինական կճանաչի: Դատարանի որոշումը սպասվում է գարնանը: Սերբիայի արտգործնախարարն ընդգծեց, որ դատարանի վճռից հետո Բելգրադն «ամեն ինչ կանի երկխոսությունը վերսկսելու համար, որպեսզի բոլոր կողմերի համար ընդունելի լուծում գտնի»: Սակայն Կոսովոյի անկախությունը, առանց միջազգային դատարանի վճռի, ճանաչել են արդեն 65 երկիր, այդ թվում` ԱՄՆ-ն և Եվրամիության 20 երկիր:
Other Articles in Ղարաբաղ
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.