Իրանի Իսլամական Հանրապետության դիվանագետի խոսքով` Իրանը թույլ չի տա, որ ԱՄՆ-ի զորքեր տեղակայվեն Լեռնային Ղարաբաղի հակամարտության գոտում, որն անմիջապես սահմանակից է իր տարածքին:
Երևանում չորեքշաբթի անցկացված մամուլի ասուլիսի ընթացքում դեսպան Սեյեդ Ալի Սաղայիանը հայտարարել է, որ Վաշինգտոնը ցանկանում է զորքեր տեղակայել Ֆիզուլիում (ԼՂՀ պաշտպանության բանակի կողմից վերահսկվող յոթ շրջաններից մեկը): Նա նաև պնդել է, որ ԱՄՆ-ը մտադիր է խաղաղապահ ուժերի անվան տակ զորք մտցնել տարածաշրջան:
Իրանը հաճախ է բարդ հարաբերություններ ունեցել Արևմուտքի և, հատկապես, ԱՄՆ-ի հետ` կապված իր միջուկային ծրագրի հետ, որը թե´ Վաշինգտոնի, թե´ նրա դաշնակիցների կարծիքով`սպառնալիք է ներկայացնում տարածաշրջանի և աշխարհի խաղաղությանը: Այս ամսվա սկզբին ԱՄՆ-ն ավելացրել է Իրանի դեմ կիրառվող իր պատժամիջոցները` նշելով, որ անհանգստանում է վերջինիս միջուկային նկրտումներից, չնայած այն շարունակվող խոսակցություններին, որ մեկուսացված իսլամական հանրապետության դեմ ռազմական հարվածի հավանականությունը մեծ է:
Թեհրանը բազմիցս նշել է, որ մտահոգված է Լեռնային Ղարաբաղում միջազգային խաղաղապահ ուժեր տեղակայելու վերաբերյալ` հակամարտող կողմերի միջև հնարավոր խաղաղության համաձայնագրի դեպքում: ԵԱՀԿ Մինսկի խմբի շրջանակներում Ռուսաստանի և Ֆրանսիայի հետ միասին ԱՄՆ-ը հակամարտության միջնորդ երկրներից մեկն է:
«Իրանը հակամարտող երկրների հետ ընդհանուր սահման ունի, անհանգստացած է իր սեփական անվտանգության համար և թույլ չի տա ամերիկյան զորքերի տեղակայումը»,- ընդգծել է Սաղայիանը:
Իրանի դեսպանի հայտարարությունը հաջորդեց Լեռնային Ղարաբաղում վերջերս տեղի ունեցած հրադադարի խախտմանը, որում զոհվեցին 4 հայ և մեկ ադրբեջանցի զինվորներ: Հայաստանը դատապարտում է Ադրբեջանին շրջանում խաղաղություն հաստատելու միջազգային միջնորդների խաղաղարար ջանքերը խափանելու մեջ:
Հունիսի 18-ին Ղարաբաղի շփման գոտու հյուսիսարևելյան մասում տեղի ունեցած հարձակումները Սաղայիանը որակել է որպես տարածաշրջանից դուրս որոշ ուժերի սադրանքի հետևանք:
«Իրանը մշտապես այս կարծիքին է, որ ցանկացած հակամարտություն և բախում որևէ կերպ չեն նպաստելու որևէ երկրի և ժողովրդի»,- ասել է դեսպանը` հավելելով, որ Թեհրանը բացառում է Հայաստանի և Ադրբեջանի միջև պատերազմի վերսկսման հավանականությունը:
Ըստ Սաղայիանի` Իրանը կարող է դրական դերակատարություն ունենալ տարածաշրջանում` հաշվի առնելով այն, որ Իրանը լավ հարաբերություններ ունի տարածաշրջանի բոլոր ժողովուրդների հետ:
English
Հայերեն
ՎԵՐԵՎ 
Readers' comments
Read commented Article
Post a comment
Read all 8 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.