Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:31
Որոնել
Տունն այնտեղ է, որտեղ սիրտն է. Արմենը Ֆրանսիայից և Քրիստինեն Ռումինիայից իրենց երջանկությունը գտան Ղարաբաղում
Շուշիում ապրելն ասես իրականացած երազանք լինի…
32-ամյա Արմենը և Քրիստինեն ծանոթացել են «Ֆեյսբուքի» միջոցով: Քրիստինեն հայուհի է և շատ էր ցանկանում գալ Ղարաբաղ, ինչն էլ արեց` եկավ ու մնաց: Այժմ Արմենի հետ միասին փորձում են Շուշիում փոքր տեղեկատվական կենտրոն ստեղծել զբոսաշրջիկների և հնարավոր ներդրողների համար: «Սփյուռքում երազում են Շուշիում ապրել: Այժմ ես ապրում եմ երազում»,- ասում է Արմենը: Նա ծնվել է Մարսելում: 2000 թ. տեղափոխվել է Փարիզ, որտեղ առաջին անգամ իմացել է իր արմատների մասին և հայկական համայնքում զբաղվել բարեգործական ու մշակութային գործունեությամբ: Սովորել է Արևելյան ժողովուրդների և լեզուների ինստիտուտում, ուսանել իրավագիտություն: Շուշի է եկել 2004 թ.: Նախ տուրիստական գործակալություն է բացել` համատեղելով անշարժ գույքի գործակալության հետ: Սակայն բիզնեսը չի հաջողվել, մասամբ Ղարաբաղի ծանր քաղաքական իրավիճակի պատճառով` շատ մեծ են ներդրումային ռիսկերը: Իսկ սովորական շուկայական օրենքներով այստեղ քչերին է հաջողվում աշխատել` ոչ մեծ ղարաբաղյան «գործարար շրջանակներում» ամեն ինչ արդեն վաղուց բաշխված է, և նոր մարդու համար դժվար է իր տեղը գտնել: Սակայն Արմենը չի նահանջում: Նա փորձում է իր ուժերը այն ոլորտներում, որոնք դեռ կոշտ բաշխման չեն ենթարկվել: Նա ստեղծել է shoushi.nk.am կայքը, որում զետեղված է Արցախ այցելելու համար անհրաժեշտ տեղեկատվությունը: Այժմ Արմենը զբաղվում է «Աղավնի» կազմակերպության ստեղծմամբ, որը կաշխատի երեք ուղղությամբ` օտարերկրացի ներդրողներին տեղեկատվություն տրամադրելով, բարեգործական միջոցներ հայթայթելով և արտաքին աշխարհ-Արցախ մշակութային կապեր ստեղծելով: Արմենը հոդվածներ է գրում ֆրանսիական Les Nouvelles d'Armenie Magazine-ի համար: Վերջերս կազմակերպել էր ֆրանսիացի նկարիչ Դոմինիկ Լանդուչիի նկարների ցուցահանդեսը Արցախում: Այժմ պատրաստում է Ազոխի քարանձավի (ԼՂՀ Հադրութի շրջան) հնագույն ցուցադրանմուշների ֆոտոցուցահանդես, որը կցուցադրվի Ֆրանսիայի թանգարաններից մեկում: Սակայն ամենակարևորն այն է, որ նա ընտանիք է կազմել Ղարաբաղում: Սա արդեն երկրորդ սփյուռքահայ ընտանիքն է, որն իր երջանկությունը գտել է Ղարաբաղի հողում: Առաջին զույգը Արմոնդ Թահմուզյանը (Իրան) և Արտեմիս Գրիգորյանը (Ավստրալիա) էր: Այսօր նրանք մեծացնում են իրենց երկու դստրիկներին և ասում, որ իրենց երեխաները դաստիարակվում են որպես հայ: Սակայն հիմնականում սփյուռքահայերը գերադասում են ամուսնանալ ղարաբաղցի աղջիկների հետ, որոնց հետո տանում են իրենց երկիր: Արմենին ու Քրիստինեին շնորհավորեցին ոչ միայն շուշեցիները, այլև նրանց բոլոր ընկերները սոցիալական ցանցերից: Նրանց շարքում քիչ չեն նրանք, որոնք Արմենի կանչով գեթ մեկ անգամ եղել են Ղարաբաղում: Նրանցից շատերն ապրել են Արմենի փոքրիկ բնակարանում, որի հյուրընկալ դուռը Քրիստինեի գալուց հետո էլ միշտ բաց է:
Other Articles in Ղարաբաղ
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 7 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.