Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 02:03
Որոնել
Կոսովոյի ազդեցությունը. Երևանում և Ստեփանակերտում պատգամավորները քննարկում են Հայաստանի կողմից Ղարաբաղի անկախությունը ճանաչելու հնարավոր ժամկետները
Այս շաբաթ Ղարաբաղի խորհրդարանական պատվիրակությունը հանդիպել է Երևանի իրենց գործընկերների հետ Այս շաբաթ Երևան էր ժամանել Ղարաբաղի խորհրդարանական պատվիրակությունը` փոխխոսնակ Արթուր Թովմասյանի գլխավորությամբ: Հանդիպման ընթացքում Թովմասյանը կարծիք է հայտնել, թե ՄԱԿ-ի միջազգային դատարանի կողմից Կոսովոյի անկախության ճանաչման նախադեպը կարող է նպաստել նաև ԼՂՀ միջազգային ճանաչման գործընթացին: Վաղուց է խոսվել այն մասին, որ բանակցային գործընթացը պետք է բաժանել Ղարաբաղի միջազգային ճանաչումից: Սակայն Հաագայի դատարանի կողմից Կոսովոյի մասին որոշումը գործընթացի մեկնարկի խթան դարձավ: Ամենայն հավանականությամբ, հայկական կողմը որոշել է օգտագործել խորհրդարանական կապերը և «համոզել» բարեկամական երկրներին ճանաչել ԼՂՀ-ն: Այդուհանդերձ, գլխավոր հարցը մնում է. արդյոք Հայաստանը կճանաչի՞ ԼՂՀ անկախությունը: Մինչ օրս Հայաստանի իշխանությունները նպատակահարմար չեն համարել ԼՂՀ անկախության միակողմանի ճանաչումը, թեև երկու երկրների (Հայաստան և Ղարաբաղ) միջև կնքվել են մի շարք միջխորհրդարանական, միջկառավարական պայմանագրեր, Հայաստանը Ղարաբաղին միջպետական վարկ է տրամադրում, Ղարաբաղի բանակում տեսչական այցեր է կատարում և նրա փոխարեն բանակցություններ վարում: Հայաստանի կողմից Ղարաբաղի չճանաչումը ՀՀ իշխանությունները բացատրում են այն փաստով, որ դա կարող է Ադրբեջանին կտրուկ քայլերի դրդել: ՀՅԴ բյուրոյի Հայ դատի գրասենյակի քաղաքական հարցերի պատասխանատու Կիրո Մանոյանը կարծում է, որ Հայաստանի կողմից ԼՂՀ անկախության ճանաչումը, իհարկե, կհեշտացնի աշխարհի մյուս երկրների համար ճանաչման գործընթացը: «Սա չի նշանակում, թե Հայաստանը դա պետք է հենց այսօր անի, սակայն չի նշանակում նաև, որ Հայաստանն այս ուղղությամբ ոչ մի քայլ չպետք է ձեռնարկի»,- ընդգծել է Մանոյանը: Նա նաև նշել է, որ եթե ղարաբաղյան կարգավորման բանակցությունները փակուղի մտնեն, Հայաստանի առաջին քայլը պետք է լինի ԼՂՀ ճանաչումը, իսկ եթե բանը հասնի ադրբեջանական ագրեսիային, ապա պետք է բարձրացնել նաև վերամիավորման մասին հարցը: ՀՀ ԱԺ փոխխոսնակ Սամվել Նիկոյանը հայտարարել է, որ Հայաստանը կարող է սկսել ԼՂՀ անկախության ճանաչման գործընթացը, եթե ԵԱՀԿ Մինսկի խումբը սպառի իր ողջ ռեսուրսները: Նիկոյանի կարծիքով` այսօր քաղաքական տեսանկյունից Հայաստանի կողմից ԼՂՀ անկախության ճանաչումն աննպատակահարմար է: ՄԱԿ-ի միջազգային դատարանի ընդունած որոշումից հետո Հայաստանը լրիվ հիմքեր ունի Պրիշտինայի հետ բանակցություններ սկսել` Երևանի կողմից Կոսովոյի անկախությունը ճանաչելու և Պրիշտինայի կողմից ԼՂՀ անկախության ճանաչման առնչությամբ: ԼՂՀ արտաքին քաղաքականության և անվտանգության հանրային խորհրդի նախագահ Մասիս Մայիլյանի խոսքով` տվյալ փուլում Կոսովոյի և նրա դաշնակիցների առջև խնդիր կա դրված` անհապաղ ավելացնել ՄԱԿ-ի այն անդամ երկրների թիվը, որոնք ճանաչել են այս նախկին սերբական ինքնավար շրջանի պետականությունը: «Հայաստանը պետք է ճանաչի ԼՂՀ անկախությունը, բայց միայն արտասահմանում համապատասխան նախապատրաստական աշխատանքներ տանելուց հետո: Խնդիրն այն է, որ մենք չենք տեսնում այս ուղղությամբ անհրաժեշտ դիվանագիտական աշխուժություն, և Արցախի միջազգային ճանաչումը դեռ չի դարձել սփյուռքի լոբբիստական կառույցների համար առաջնահերթ խնդիր»,- կարծում է Մայիլյանը:
Other Articles in Ղարաբաղ
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.