Ֆոտոլուր
ԼՂՀ-Ադրբեջան շփման գոտում լարվածությունը չի նվազում:
Ղարաբաղա-ադրբեջանական զորքերի շփման գոտում վերջերս հաճախադեպ դարձած ընդհարումներից վերջինի ժամանակ ադրբեջանցի երկու զինվոր է զոհվել:
Հայկական աղբյուրների հաղորդմամբ` սեպտեմբերի 4-ին Ջրաբերդ բնակավայրի մոտ գրանցված ընդհարումը ադրբեջանական կողմի սադրանք էր, թեև ադրբեջանական աղբյուրները հակառակն են պնդում: Համենայն դեպս, երկու ադրբեջանցի է զոհվել, իսկ մեկը վիրավորվել է:
ԼՂՀ պաշտպանության բանակի մամուլի ծառայությունից հայտնում են, որ «փախուստի ճանապարհին դիվերսիոն խմբի անդամները պայթել են ականների վրա» և վիրավորվել: Ադրբեջանական լրատվամիջոցներն իրենց հերթին գրում են, որ ադրբեջանական կողմից երկու զոհ կա, որոնցից մեկի դիակը հայկական կողմում է, իսկ երկու վիրավորներից մեկը հետո մահացել է ստացած վերքերից:
Ընդհարումը տեղի է ունեցել ՌԴ նախագահ Դմիտրի Մեդվեդևի` Բաքու կատարած այցից մեկ օր անց և չորս օր անց հրադադարի խախտման այն դեպքից, որի ընթացքում մի քանի զինվոր էր մահացել և վիրավորվել: Սեպտեմբերի 1-2-ը տեղի ունեցած Բաքու այցի ժամանակ Մեդվեդևը հորդորել էր խաղաղ լուծում տալ հակամարտությանը, որը շարունակվում է արդեն 22 տարի` 1994 թվականից հաստատված հրադադարի պայմաններում:
Այսօր (սեպտեմբերի 6-ին) ԵԱՀԿ Մինսկի խմբի համանախագահները մեկնել են Բաքու, որից հետո կայցելեն Ստեփանակերտ և ապա Երևան:
English
Հայերեն
.jpg "Ղարաբաղի հարց. կարո՞ղ է արդյոք ամենափոքր նահանգի բանաձևը Արևմուտքի վերաբերմունքը Հայաստանի նկատմամբ փոխելու նշան դառնալ")
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.