Դարձյալ հնչեց առաջին զանգը` ազդարարելով մի մեծ սկիզբ այն մանուկների կյանքում, որոնք այսօր առաջին անգամ դպրոց գնացին: Ըստ ավանդույթի`բարձր դասարանցիները բռնում են փոքրիկ ձեռքերը և ուղեկցում դեպի նրանց դասարաններ: Այստեղ մեծերը երգում են Հայաստանի օրհներգը, իսկ փոքրերը` երդվում ջանասիրաբար սովորել, լավ աշակերտ լինել, որպեսզի իրենց հայրենիքի արժանի զավակները դառնան:

Այսօր`օգոստոսի 31-ին, նոր ուսումնական տարվա նախաշեմին առաջին անգամ Ն.Ս.Օ.Տ.Տ. Գարեգին Բ Ամենայն Հայոց կաթողիկոսի հանդիսապետությամբ տեղի ունեցավ կրթության բնագավառի ներկայացուցիչների օրհնության արարողություն` ի սերտացումն պատմականորեն ընդունված եկեղեցու և կրթության օջախների անխախտ կապի: (Լուսանկարում` Գարեգին Բ (ձախից), կրթության նախարար Արմեն Աշոտյան:)

Ամառային արձակուրդները մոտենում են ավարտին, նոր ուսումնական տարվա վերջին պատրաստություններն են արվում: Բարբիները, Վինքսն ու Դիսնեյի հերոսուհիները, Սպայդերմենները, Բեթմեններն ու հայ թե տղաների և թե աղջիկների վերջերս ամենասիրված հերոս Նառուտոն կուղեկցեն երեխաներին` օգնելով նրանց հաղթահարելու դպրոցական կյանքի մարտահրավերները:

Հուլիսի 29-ին Երևանում տեղի ունեցավ «Մեկ ազգ, մեկ մշակույթ» փառատոնի փակման արարողությունը: Սփյուռքի նախարարության և «Մեկ ազգ, մեկ մշակույթ» հիմնադրամի կողմից 2004 թվականից ի վեր երկու տարին մեկ կազմակերպվող փառատոնի նպատակն է ամրապնդել Հայաստան-սփյուռք-Ղարաբաղ կապերը:

Դեռ շատ ջրեր կհոսեն, մինչև զովանա երևանյան տապը: Այսօր մայրաքաղաքում գրանցվել է +36 աստիճան:

Մինչ երևանցիները օրերն են հաշվում, թե երբ է սկսվելու ավանդական օգոստոսյան արձակուրդը, Երևանում ջերմաստիճանը հասել է +34-ի:

Երբ հրացան ունես, յուրաքանչյուր կոշիկ քո ոտքին է:

Չորրորդ համահայկական մշակութային փառատոնի հանդիսավոր բացումը կայացավ երեկ երեկոյան՝ հուլիսի 22-ին, Հանրապետության հրապարակում: (Փառատոնը կազմակերպվում է երկու տարին մեկ՝ 2004-ից ի վեր:) «Մեկ ազգ, մեկ մշակույթի» նպատակներից են նպաստել սփյուռքում հայ մշակույթի պահպանմանն ու զարգացմանը, աջակցել Հայաստան-Արցախ-սփյուռք կապերի ամրապնդմանը, օժանդակել ժամանակակից հայ արվեստի զարգացմանը: Գալիք շաբաթվա ընթացքում (մինչև հուլիսի 29-ը) Երևանում և մարզերում կկազմակերպվեն բազմաթիվ մշակութային միջոցառումներ և «Կատարողական արվեստի» մրցույթներ:

Ծաղկի պես խնամենք մեր Երևանը…

Նկարչի մուսան