Լուսանկար ակնարկ | 17.03.10 | 13:29
Գարեգին Բ Ամենայն հայոց կաթողիկոսի հրավերով պաշտոնական այցով (մարտի 16-18-ը) Հայաստան է ժամանել Մոսկվայի և Համայն Ռուսիո պատրիարք Նորին սրբություն Կիրիլ Առաջինը: Մարտի 16-ին Էջմիածին և Սերգիև Պոսադ քաղաքների միջև ստորագրվել է բարեկամության և համագործակցության հռչակագիր, ապա երկու հովվապետները՝ իրենց պատվիրակությունների ուղեկցությամբ, այցելել են և ծաղկեպսակներ դրել Օշականի մերձակայքում գտնվող 1828 թ. Ռուս-պարսկական պատերազմի ընթացքում զոհված ռուս զինվորների հուշակոթողին: Նորին սրբություն Կիրիլ Առաջինն այցելելու է նաև Հայոց ցեղասպանության հուշակոթող, Երևանի Սբ Աստվածածին եկեղեցի և հանդիպում է ունենալու ՀՀ նախագահ Սերժ Սարգսյանի հետ:
Լուսանկար ակնարկ | 16.03.10 | 16:37
«Թեղուտի պաշտպանության» խմբի ակտիվիստներից մեկի՝ Մարիամ Սուխուդյանի խոսքով`Գոշավանքից դեպի Գոշի լիճ տանող ճանապարհին (Տավուշի մարզ) կարելի է տեսնել 50-ից ավելի հատված ծառեր: «Դիլիջան» ազգային պարկի տնօրինությունը հավաստիացնում է, թե ծառահատումները սանիտարական են: Մինչդեռ Սուխուդյանի պնդմամբ՝ ծառերն առողջ են և ապօրինաբար են հատվում:
Լուսանկար ակնարկ | 15.03.10 | 16:45
Այս օրերին Երևանում ամենուրեք կարելի է տեսնել կանաչ համազգեստով մարդկանց, որոնք մաքրում, փխրեցնում են սիզամարգերի և պուրակների հողը, տնկում են, ջրում, մի խոսքով՝ անում են ամեն ինչ, որ մեր գեղեցիկ մայրաքաղաքը գարնանը վայել հանդերձանք ունենա:
Լուսանկար ակնարկ | 11.03.10 | 13:12
Անուշիկը վարդագույն զգեստով
Լուսանկար ակնարկ | 10.03.10 | 12:09
Կիրակի երեկոյան «Օսկարի» թեկնածու դերասանուհի Մագի Գիլենհալը Հոլիվուդում Կինոակադեմիայի ամենամյա մրցանակաբաշխության ժամանակ մետաքսե զգեստով ներկայացավ կարմիր գորգի վրա՝ ցնցող տպավորություն գործելով ներկաների վրա: «ԱրմենիաՆաուն» տեղեկացել է, որ նրա զգեստը նկարազարդել է երևանցի մի նկարիչ, ում անունը չենք կարող բարձրաձայնել, քանզի նա պայմանագրով հեղինակային իրավունքը փոխանցել է դիզայներին: «Կտավ-զգեստի» համար ներշնչանքի աղբյուր է ծառայել Վան Գոգի «Աստղազարդ գիշերը»: Գիլենհալը չհաղթեց «Երկրորդ պլանի դերասանուհի» անվանակարգում, բայց մենք «Օսկարը» շնորհում ենք երևանցի X նկարչին:
Լուսանկար ակնարկ | 09.03.10 | 16:16
Երեկ՝ մարտի 8-ին, Կանանց միջազգային օրը մեկնարկեց կանանց մեկամսյակը, որը կավարտվի ապրիլի 7-ին՝ Մայրության և գեղեցկության օրը:
Լուսանկար ակնարկ | 09.03.10 | 11:23
Անցյալ շաբաթ օրը Ծաղկաձորում պրոֆեսիոնալ սնոուբորդիստներ Ամբեր Սթաքհաուզը և Էրին Քոմսքոթը, որ Հայաստան էին ժամանել որպես սպորտի դեսպանորդներ, Հայաստանում սնոուբորդինգի առաջին մրցումների ժամանակ հանդես եկան մրցավարի դերում: Մրցումներին հաջորդեց պարգևատրման արարողությունը. կանանց թիմում հաղթող էր ճանաչվել Մարիաննա Թովմասյանը, իսկ տղամարդկանց՝ Կարեն Միրզոյանը:
Լուսանկար ակնարկ | 05.03.10 | 13:46
Երեկ երեկոյան՝ մարտի 4-ին, բալետի սիրահարները հնարավորություն ունեին վայելելու Հայաստանի օպերայի և բալետի ազգային ակադեմիական թատրոնի երկու մասից՝ Բախի և Պերգոլեզիի ստեղծագործությունների հիման վրա բեմադրված ներկայացումը, որը բեմականացրել է միջազգային ճանաչում ունեցող արվեստագետ, պարուսույց Ռուդոլֆ Խառատյանը: (Լուսանկարում՝ մաս առաջին՝ Բախ):
English
Հայերեն
(0) Կարծիքներ
ՎԵՐԵՎ 
Readers' comments
Read commented Article
Read all comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.