Ազգային ժողովի ընտրություններում հաղթանակ տարած Հանրապետականի՝ հինգշաբթի ուշ երեկոյան տեղի ունեցած գործադիր մարմնի նիստից հետո անգամ չբացահայտվեց քաղաքական հիմնական ինտրիգը՝ կոալիցիա կազմելու և նոր կառավարության կազմի հարցը:

Քաղաքական տեխնոլոգը, կարևորելով նորընտիր խորհրդարանում կոալիցիայի ձևավորումը, հայտարարում է որ «քաղաքական այդ գործարքում» միանշանակ կշահի Հայաստանի հանրապետական կուսակցությունը, իսկ «Բարգավաճ Հայաստանը» կտուժի:

Ռազմական փորձագետը տեղին է համարում մայիսի 22-26-ը Բաքվում անցկացվող «Եվրատեսիլ» երգի միջազգային մրցույթին հայաստանյան պատվիրակության մասնակցությունից հրաժարումը` նշելով, որ հերթական միջազգային նշանակության միջոցառումը ալիևյան վարչակազմի կողմից կօգտագործվի քարոզչական նպատակով:

Վրաստանի մայրաքաղաք Թբիլիսիում վերջին օրերի տեղատարափ անձրևների հետևանքով անցած գիշեր զգալիորեն տուժել է հայկական Սբ Նշան եկեղեցին, որը տարիներ շարունակ կռվախնձոր է դարձել Հայաստանյայց Առաքելական և Վրաց Ուղղափառ եկեղեցիների միջև:

Ուրբաթ Հանրապետության հրապարակում իշխող Հանրապետական կուսակցության (ՀՀԿ) հանրահավաքի ժամանակ տեղի ունեցած պայթյունից տուժած 154 քաղաքացիներից մոտ 80-ը շարունակում են մնալ հիվանդանոցներում: Տուժածներից 25-ը վերակենդանացման բաժանմունքներում են, կան մարդիկ, որոնք հետագայում պլաստիկ վիրահատությունների կարիք կունենան:

Հայաստանի երկրորդ նախագահ Ռոբերտ Քոչարյանը քննադատել է ներկայիս իշխանության գործունեությունը, սակայն բացորոշ չի արտահայտվել մեծ քաղաքականություն իր վերադարձի առնչությամբ` ասել է նա հինգշաբթի «Մեդիամաքս» լրատվական գործակալությանը տված բացառիկ հարցազրույցում:

Ուկրաինայի Դնեպրոպետրովսկ քաղաքում ուրբաթ տեղի ունեցած մի քանի խոշոր պայթյունների հետևանքով տուժածների ցուցակում երկու հայազգի երիտասարդների անուններ են նշվում:

Հրադադարի ռեժիմի խախտման կամ միջանձնային հարաբերությունները պարզելու հետևանքով մահացել է մեկ ժամկետային զինծառայող, ևս մեկը ծանր վիրավորվել է:

Հրաձգությունը տեղի է ունեցել Տավուշի մարզի` Ադրբեջանի սահմանի մոտ գտնվող Չինարի գյուղում, որտեղ դիպուկահարների կրակոցները հաճախադեպ են:

Չորեքշաբթի Եվրախորհրդարանի ընդունած բանաձևերը «ողջունում են Հայաստանի` բարեփոխումներ կատարելու ձգտումը և ներկայումս Ադրբեջանի հետ էներգետիկ ոլորտում համագործակցությունը, սակայն նաև նախազգուշացնում են մարդու իրավունքների խախտումների մասին Բաքվում «Եվրատեսիլ 2012» երգի մրցույթի և մայիսի 6-ին Հայաստանում խորհրդարանական ընտրությունների հետ կապված»,- ասվում է ԵՄ հայտարարությունում:

Ըստ լրատվական բլոգների և դեղին մամուլի՝ աշխարհում ամենահայտնի հայը, որը երբեք Հայաստանում չի եղել, ցանկանում է դառնալ Գլենդելի (Կալիֆորնիա), հայտնի է նաև որպես «Երևանջելես», քաղաքապետ: