Readers' comments

• Օպերատորների պատերազմներ. Հայաստանի հեռահաղորդակցության շուկայում մրցակցությունը նոր առաջարկներ է բերում

Im kartsiqov Armentely nerkayis Beeline-y ir stexcman orvanic zabagvum e xabeutyamb ev bajanordnerin tyurimacutyian mej gcelov, aynpes vor paron Klimkon hashvi arnelov very nshvatsy chpetq e porci varkabekel myus operatorneri, masnavorapes Vivacell-i bari hambavy......

Read commented Article

Post a comment

Read all 1 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Երբ նոյեմբերին «Ֆրանս տելեկոմ»-ի «Օրանժ» բրենդը հատուկ առաջարկներով և շուկայական նորույթներով մուտք գործեց շուկա, «Բի Լայն»-ի և ՎիվաՍել-ՄՏՍ»-ի համար լրացուցիչ մրցակցություն ստեղծեց:

«Օրանժ-Արմենիան» 35 000 դրամ (մոտ 90 դոլար) արժեցող «Ինտերնետ Հիմա» USB մոդեմը առաջարկեց սպառողներին ընդամենը 1 դրամով 1 տարով բաժանորդագրվելու դեպքում: 

Ի պատասխան, «ՎիվաՍել-ՄՏՍ»-ը սկսեց անվճար USB մոդեմ տրամադրել` մեկ տարվա բաժանորդագրության դեպքում:

Իսկ «Բիլայնը» սկսեց` «Հայ Լայն» մոդեմների (ոչ USB) համար մինչև 100 տոկոս զեղչ ու անվճար միացում առաջարկել` իրենց սակագնային պլաններից մեկն ընտրելու դեպքում, ընդ որում` որքան թանկանոց սակագնային պլան, այնքան մեծ զեղչ:

Իրարից շատ չեն տարբերում նաև սակագները:

«Օրանժ Արմենիա»-ն մոդեմը 1 դրամով տրամադրում է ամսական նվազագույնը 9000 դրամ (մոտ 23 դոլար) բաժանորդագրության դեպքում (առնվազն 1 տարով)` մինչև 3ԳԲ ներբեռնելու համար առաջարկելով 7,2 Մբիթ/վրկ, այնուհետև` 128 կբիթ/վրկ արագություն:

«ՎիվաՍել-ՄՏՍ»-ի «ՄՏՍ կոնեկտ անսահմանափակ»-ն ամսական 8800 դրամ (մոտ 22 դոլար) վճարի դիմաց (առնվազն 1 տարով) առաջարկում է առաջին ԳԲ-ը ներբեռնել առավելագույնը 7,2 Մբիթ/վրկ արագությամբ, երկրորդը` ցերեկային ժամերին 128 կբիթ/վրկ, գիշերային ժամերին 512 կբիթ/վրկ առավելագույն արագությամբ:

Անդրադառնալով նոր առաջարկներին` «ԱրմենՏել» («Բի Լայն» բրենդ) ընկերության գլխավոր տնօրեն Իգոր Կլիմկոն մեղադրեց իր մրցակիցներին ծառայությունների իրական գները տարեկան պայմանագրերի միջոցով թաքցնելու համար, որոնք, ըստ էության, ավելի թանկ են, քան իրենց սակագները: Ըստ Կլիմկոյի` իրենք հնարքների չեն դիմում ու բաց են ներկայացնում «Բի Լայն» մոդեմի համար` 12 500 դրամով (մոտ 32 դոլար) առաջարկելով անսահմանափակ ինտերնետ, իսկ մոդեմը վաճառելով 18 000 դրամով (մոտ 46 դոլար):

Իրականում «ՎիվաՍել-ՄՏՍ»-ի կամ «Օրանժ Արմենիա»-ի USB մոդեմները գնողներից շատերը միայն պայմանագիրը ստորագրելուց հետո են իմանում, որ եթե հրաժարվեն մեկ տարվա պայմանագրից, ստիպված են լինելու վճարել մոդեմի իրական արժեքը:

Շատերը, սակայն, դժգոհում են, մասնավորապես «»Օրանժ»-ի USB մոդեմների աշխատանքի որակից:

«Ես չեմ կարողանում այն օգտագործել, քանի որ այն ընդհանրապես չի աշխատում: Ես բառացիորեն երկու ժամ փորձում եմ միանալ ինտերնետին, իսկ դրանից հետո, եթե հաջողվում էլ է, ապա կապի մեջ կարող է 5 րոպե լինեմ ու dial-up-ի որակի ինտերնետ ունենամ»,- ասում է 24-ամյա երևանաբնակ Լուսինե Մարգարյանը, որը վերջերս մեկ տարով բաժանորդագրվել է «Օրանժ»-ի «Ինտերնետ Հիմա» USB մոդեմի համար:

Սակայն, քանի որ նա դժգոհ է «Օրանժ»-ի մոդեմի որակից, ցանկանում է այն հետ վերադարձնել 15 օրվա ընթացքում, քանի որ այդ դեպքում նա չի վճարելու դրա համար: «Իսկ եթե մինչ այդ 100 ՄԲ օգտագործած չլինեմ, նրանք ինձ կվերադարձնեն նաև իմ վճարած առաջին ամսվա 9000 դրամը (մոտ 23 դոլար)»,- ասում է Մարգարյանը:

Ալավերդու բնակիչ, ներկայում Երևանում ապրող 23-ամյա Արտակ Սուքիասյնաը նույնպես պատրաստվում է վերադարձնել ավելի քան մի շաբաթ առաջ «Օրանժ»-ից 1 դրամով գնած USB մոդեմը, եթե այն առաջիկա մի շաբաթում չսկսի նորմալ գործել:

«Օրանժի գրանսենյակում, որտեղից գնել եմ այն, ինձ ասել են, որ մինչև ամսի 15-ը կապը կարգավորվելու է, ու մոդեմը սկսելու է նորմալ աշխատել: Ես հիմա սպասում եմ, իսկ գնածս օրվանից մինչև հիմա մոդեմը գրեթե ոչ մի օր նորմալ չի աշխատել»,- ասում է Սուքիասյանը: 

«Ինտերնետ Հիմա» մոդեմի անկանոն աշխատանքն «Օրանժ Արմենիա»-ի գրասենյակներում բացատրում են տարվող տեխնիկական աշխատանքներով:

Ի տարբերություն «Օրանժ»-ի, «ՎիվաՍելլ-ՄՏՍ»-ի և «Բի Լայն»-ի բաժանորդներն առայժմ չեն դժգոհում: 

Այդուհանդերձ, «ՎիվաՍելլ-ՄՏՍ»-ը բաժանորդների դժգոհությունից խուսափելու համար` տեխնիկական աշխատանքների շրջանում ժամանակավորապես դադարեցրել է «ՄՏՍ կոնեկտ» մոդեմների վաճառքը:

Չնայած այս ամենին, նորությունների նկատմամբ հետաքրքրություններն շուկայում առայժմ չեն նվազում և առաջարկները դեռևս մնում են գրավիչ: