Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Վենդետա կամ արդարություն. հայտնի հայ գործարարի եղբայրը ձերբակալվել է Երևանում
Սարիբեկ Սուքիասյանը ձեռբակալվել է «սպանության սպառնալիքի» մեղադրանքով: «Հայէկոնոմբանկի» խորհրդի նախագահ Սարիբեկ Սուքիասյանին և «Այրարատ» տոնավաճառի տնօրեն Արտաշ Ստեփանյանին ոստիկանները բերման են ենթարկել ոստիկանության Էրեբունու բաժանմունք Սուքիասյաններին պատկանող «ՍԻԼ» կոնցեռնի (պատկանում է նախկին պատգամավոր Խաչատուր Սուքիասյանին) կենտրոնական գրասենյակից` նախքան ձերբակալությունը կոտրելով գրասենյակի դռները: Ոստիկանության հաղորդագրությունում նշվում է, որ «Աուդիտ» ՍՊԸ տնօրեն Գոռ Դավթյանին (վերջինս 2008 թվականի հոկտեմբերին իրեն պատկանող «Բյուրեղ» ՓԲԸ բաժնետոմսերի 41 տոկոսը վաճառել է Սուքիասյանի կնոջը` Ասպրամ Տոնոյանին) Սուքիասյանը և Ստեփանյանը սպանության իրական սպառնալիքների տակ պարտադրել են ստորագրել «Բյուրեղի» բաժնեմասերի հետ կապված որոշ փաստաթղթեր: 2009 թ. նոյեմբերին ՀՀ վճռաբեկ դատարանի կողմից գործարքն անվավեր է ճանաչվել, ինչից հետո ՓԲԸ-ում հայտնվել է նոր բաժնետեր, որը ցանկություն է հայտնել գնել Դավթյանին պատկանող բաժնեմասերը: Համաձայն շրջանառվող լուրերի` նոր գնորդը ՀՀ ֆուտբոլի ֆեդերացիայի նախագահ Ռուբեն Հայրապետյանն է, որը հրաժարվեց գործի առնչությամբ մեկնաբանություններ տալ «ԱրմենիաՆաուին»: Ըստ ոստիկանության հաղորդագրության` Դավթյանը ոստիկանություն է դիմել ժամը 17.30-ին, սակայն, ըստ Սուքիասյանների ընտանիքի փաստաբան Արա Զոհրաբյանի` ոստիկանները կոնցեռնի գրասենյակ են ներխուժել 15:30-ին և արդեն ժամը 16:00-ի մոտ ձերբակալած են եղել Սուքիասյանին և Ստեփանյանին: Զոհրաբյանը հերքեց սպանության սպառնալիքի տակ Դավթյանին փաստաթղթեր ստորագրել ստիպելու փաստը: Զոհրաբյանը պատմում է, որ Դավթյանը կապվել է իր հետ և խնդրել հանդիպում կազմակերպել Սուքիասյանի հետ: Հանդիպման ընթացքում Դավթյանը նամակ է գրել Ռուբեն Հայրապետյանին այն մասին, որ ինքը չի ցանկանում վերջինիս վաճառել բաժնետոմսերը: «Նա իմ ներկայությամբ է ստորագրել նամակը. ոչ մի սպառնալիք չի եղել»,- ասում է Զոհրաբյանը: Ոստիկանության լրատվության բաժնի պետ Արմեն Մալխասյանը «ԱրմենիաՆաուին» ասաց, որ ժամերի անհամապատասխանության հետ կապված ոչ մի մեկնաբանություն չի կարող տալ: «Մենք տարածել ենք, որ ժամը 6-ին է եղել ձերբակալությունը, ուրեմն էդպես էլ եղել է: Իրենց հարցրեք, թե ինչու են ժամը 4-ին նշում ձերբակալության ժամը»,- ասում է Մալխասյանը: Հայ ազգային կոնգրեսն արդեն Սուքիասյանի ձերբակալությունը դատապարտող հայտարարություն է տարածել, որում ասվում է, որ «վարչախումբը Սուքիասյանների վրա մի նոր հերթական գործ է սարքել, ու ներկայացված մեղադրանքները ոչ մի կապ չունեն իրականության հետ»:
Other Articles in Լուրեր
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.