Select edition
English
Հայերեն
տեղական լուրեր, գլոբալ լսարան
Հինգշաբթի, փետրվարի 09, 2012 Թարմացված է 23:28
Որոնել
Խաղաղ բանակցություններ. Հայաստանի և Ադրբեջանի նախագահները խորհրդածում են Մադրիդյան սկզբունքների «նորացված» տարբերակի շուրջ
Էդվարդ Նալբանդյան, Էլմար Մամեդյարով Հունվարի 25-ին Սոչիում Ռուսաստանի նախագահի միջնորդությամբ վերջին անգամ հանդիպեցին Հայաստանի և Ադրբեջանի նախագահներ Սերժ Սարգսյանը և Իլհամ Ալիևը: Հանդիպման ընթացքում միջնորդները` ԵԱՀԿ Մինսկի խմբի համանախագահները (Ռուսաստան, ԱՄՆ և Ֆրանսիա), կողմերին ներկայացրել էին ղարաբաղյան հակամարտության կարգավորման մադրիդյան սկզբունքների «նորացված» տարբերակը և երկու շաբաթ հատկացրել իրենց դիրքորոշումը ներկայացնելու համար: ՀՀ ԱԳ նախարար Էդվարդ Նալբանդյանը, մեկնաբանելով իր ադրբեջանցի պաշտոնակցի հայտարարությունը, հայտարարել է, որ հայկական կողմի առաջարկությունների և դիտողությունների մշակումը ընթացքի մեջ է, սակայն նրանք սպասում են Ադրբեջանի առաջարկություններին: Մադրիդյան սկզբունքները ենթադրում են հայկական զորքերի դուրս բերում Լեռնային Ղարաբաղի հարակից տարածքներից, որոնք գտնվում են հայկական ուժերի վերահսկողության ներքո, խաղաղապահ ուժերի մտցնումը, փախստականների վերադարձ և Ղարաբաղի համար միջանկյալ կարգավիճակ, որին կհաջորդի «պարտադիր իրավական ուժ ունեցող» կամքի արտահայտումը: Անցյալ շաբաթ Լոնդոնի Միջազգային հարաբերությունների թագավորական ինստիտուտում` «Չեթհըմ հաուզում», տեղի ունեցած իր ելույթում նախագահ Սարգսյանն ասաց, որ ինքը չի համաձայնի գնալ այնպիսի զիջումների, որոնք կսպառնան Ղարաբաղի անվտանգությանը: Նա նաև զգուշացրեց, որ պատերազմական գործողությունների վերսկսումը ընդհանուր վտանգ կներկայացնի տարածաշրջանի անվտանգության և «արտերկրի ներդրողների համար, ովքեր մեծ ներդրումներ են արել տարածաշրջանային նախագծերում»: Սարգսյանը, մասնավորապես, հայտարարեց, որ Ղարաբաղը չի կարող վերադարձվել Ադրբեջանի կազմ, սակայն չմասնավորեց, թե ինչ է մտածում հայկական ուժերի վերահսկողության ներքո գտնվող Լեռնային Ղարաբաղի հարակից տարածքների և մադրիդյան սկզբունքների «նորացված մանրամասների» առնչությամբ: Մինչ այդ, հունվարին Սոչիում Հայաստանի և Ադրբեջանի նախագահների հանդիպումից հետո ընկած ժամանակաշրջանը նշանավորվեց Ադրբեջանի կողմից աննախադեպ ռազմատենչ հայտարարություններով և պատերազմական գործողությունների վերսկսման հնարավորության վերաբերյալ վերլուծական կանխատեսումներով: ԱՄՆ ազգային հետախուզության տնօրենը նույնպես խոսեց Ղարաբաղում նոր պատերազմի ավելի մեծ հավանականության մասին: Ինչպես հայտնում են ղարաբաղյան աղբյուրները, Ադրբեջանի սահմանին նկատվում են ուժերի մեծ կուտակումներ: Նրանք պնդում են, որ ադրբեջանական կողմի այդ գործողությունները նման են պատերազմի նախապատրաստության: Փետրվարի 16-ին Երևանում ԵԱՀԿ գործող նախագահ Կանատ Սաուդաբաևի հետ հանդիպումից հետո ԼՂՀ նախագահ Բակո Սահակյանը հայտարարել է, որ չարժե ուշադրություն դարձնել Ադրբեջանի ռազմատենչ հայտարարություններին:
Other Articles in Լուրեր
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.