Select edition
English
Հայերեն
տեղական լուրեր, գլոբալ լսարան
Հինգշաբթի, փետրվարի 09, 2012 Թարմացված է 04:19
Որոնել
Հայ վերլուծաբանների կարծիքը հայկական բանաձևի մասին. առաջին քայլն արված է
«Հայաստանը կարող է ցնծության նոտաներ ունենալ այն դեպքում, երբ Նենսի Փելոսին բանաձևը դնի Կոնգրեսի ընդհանուր քվեարկության, և այն հավանության արժանանա: Մենք ընդամենը ամենահեշտ փուլն ենք հաղթահարել»,- ասում է թուրքագետ Արտակ Շաքարյանը: Չնայած դրան Շաքարյանի կարծիքով`252 բանաձևը ԱՄՆ-ի կողմից Թուրքիայի նկատմամբ բավական էական ճնշման լծակ է: «Թուրքիան հասկացավ, որ ԱՄՆ-ը լուրջ է տրամադրված հայ-թուրքական հարաբերությունների կարգավորման հարցում, քանի որ դրանց կարգավորումը մեծապես շահեկան է ԱՄՆ արտաքին ռազմավարության և քաղաքականության համար: Անկարայի նման կամակոր դիրքորոշումը բավական բարդ իրավիճակ է ստեղծում ԱՄՆ-ի համար»,- կարծում է Շաքարյանը: «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը հայ-թուրքական հարաբերությունների հետագա զարգացումը կապում է ԱՄՆ Կոնգրեսի կողմից Հայոց ցեղասպանությունը ճանաչող բանաձևի հետագա ճակատագրի հետ: «Եթե Թուրքիան սրանից հետո էլ շարունակի արգելակել արձանագրությունների վավերացումը, ինչի՞ է պատրաստ ԱՄՆ-ը` Թուրքիային ճնշելու համար: Մի բան ակնհայտ է. այն ճնշումը, որ ԱՄՆ-ը ներկայումս գործադրում է Թուրքիայի վրա, դեռ բավարար չէ, որ Թուրքիան արձանագրությունները վավերացնի»,- ասում է Իսկանդարյանը, ով մինչև ապրիլի վերջը Թուրքիայի կողմից արձանագրությունների վավերացման շատ փոքր հավանականություն է տեսնում: «Նորավանք» գիտակրթական հիմնադրամի տնօրեն Գագիկ Հարությունյանն էլ կարծում է, որ բանաձևը Թուրքիայի համար բավական խթան կհանդիսանա, որ այն արագ վավերացնի արձանագրությունները: «Եթե Թուրքիան կամենում է խուսափել Կոնգրեսի լիագումար նիստում քվեարկությունից, ապա պետք է վավերացնի արձանագրությունները»,- կարծում է Հարությունյանը: Հայ քաղաքական վերլուծաբանների կարծիքով`252 բանաձևը չի կարող ազդել ՀՀ ԱԺ-ի կողմից արձանագրությունների վավերացման վրա: Նրանք կարծում են, որ Հայաստանը պետք է արձանագրությունները վավերացնի միայն Թուրքիայից հետո, որպեսզի չստացվի այնպես, թե Հայաստանը միշտ զիջումների է գնում հայ-թուրքական հարաբերությունների կարգավորման հարցում: ԼՂՀ արտաքին քաղաքականության և անվտանգության հարցերով հանրային խորհրդի նախագահ Մասիս Մայիլյանի կարծիքով` բանաձևի օգտին քվեարկողների ձայների աննշան առավելությունը ցույց է տալիս, որ ԱՄՆ-ը չի պատրաստվում այրել կամուրջները և խզել Թուրքիայի հետ հարաբերությունները: Որպես հինգշաբթի տեղի ունեցած քվեարկության «առանձնահատկություն»` Մայիլյանը նշեց ամերիկյան վարչակազմի թույլ ճնշումը Կոնգրեսի վրա, քանի որ Կոնգրեսին բանաձևի քննարկումից հետ պահելու`պետդեպարտամենտի դիրքորոշումը հրապարակվեց միայն քվեարկության օրը: Փորձագետը չի սպասում ԱՄՆ դիրքորոշման փոփոխություն ԼՂՀ կարգավորման հարցում, քանի որ կարծում է, որ պաշտոնական Վաշինգտոնը հավատարիմ է մնալու իր բազմիցս բարձրաձայնած դիրքորոշմանը, որ հայ-թուրքական բանակցային գործընթացը և ղարաբաղյան հակամարտության կարգավորումը տարբեր գործընթացներ են:
Other Articles in Լուրեր
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 5 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.