Հարակից նյութեր

ԱՄՆ-ի, Ֆրանսիայի և Ռուսաստանի ղեկավարները կոչ են անում Երևանին ու Բաքվին ավարտել աշխատանքը ղարաբաղյան խնդրի կարգավորման սկզբունքների շուրջ

Ղարաբաղ. միջազգային միջնորդները նոր թափ են հաղորդում բանակցային գործընթացին

Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Արձագանքելով անցյալ ամիս «Մեծ ութնյակի» գագաթնաժողովի ընթացքում ԱՄՆ-ի, Ռուսաստանի և Ֆրանսիայի նախագահների համատեղ հայտարարությանը` ԵԱՀԿ նախարարների հանդիպման շրջանակներում Ղազախստանի Ալմաթի քաղաքում հուլիսի 16-17-ին տեղի ունեցավ հանդիպում ՀՀ արտգործնախարար Էդվարդ Նալբանդյանի և Ադրբեջանի արտգործնախարար Էլմար Մամեդյարովի միջև: Բարաք Օբաման, Նիկոլա Սարկոզին և Դմիտրի Մեդվեդևը կոչ էին արել Հայաստանի և Ադրբեջանի ղեկավարներին. «Այժմ Հայաստանի և Ադրբեջանի նախագահները պետք է կատարեն հաջորդ քայլը և ավարտեն աշխատանքը հիմնարար սկզբունքների վրա, ինչը հնարավորություն կստեղծի անցնելու խաղաղության համաձայնագրի նախապատրաստմանը»:

Լրատվամիջոցների հաղորդմամբ` Նալբանդյանն ու Մամեդյարովը Ղազախստանի քաղաքում բանակցությունները սկսել էին ուրբաթ երեկոյան, այնուհետև, Ռուսաստանի արտգործնախարար Սերգեյ Լավրովի, Ֆրանսիայի արտաքին գերատեսչության ղեկավար Բեռնար Կուշների և ԱՄՆ պետքարտուղարի տեղակալ Ջեյմս Ստայնբերգի ներկայությամբ, կրկին հանդիպել էին հաջորդ օրը:

Նույն օրը Ռուսաստանի, Ֆրանսիայի և ԱՄՆ-ի պատվիրակությունների ղեկավարներ Լավրովը, Կուշներն ու Ստայնբերգը հանդես էին եկել համատեղ հայտարարությամբ, որում շեշտել էին. «Մինչ օրս հակամարտության կողմերի ձեռնարկած ջանքերը բավարար չեն եղել առկա տարաձայնությունները հաղթահարելու համար»:

Երեք պաշտոնյաները դատապարտել են նաև «վերջին զարգացումները, որոնք մեծացրել են լարվածությունը տարածաշրջանում, այդ թվում` 2010 թ. հունիսի 18-19-ին տեղի ունեցած զինված միջադեպը և հասարակությանը բորբոքող հայտարարությունները»: Նրանք զգուշացրել են, որ ուժի գործադրումն է ստեղծել ներկա իրավիճակը, և դրա կրկնությունը կարող է հանգեցնել միայն «տառապանքների, կործանման և հակամարտության ու թշնամանքի սերնդեսերունդ փոխանցման»։
Անցյալ ամիս Ադրբեջանի զինված դիվերսիոն խումբ փորձել էր անցնել Ղարաբաղի հյուսիսարևելյան շրջանի հայկական դիրքերը: Դիվերսիոն գործողության հետևանքով չորս հայ զինծառայող է զոհվել և նույնքան էլ վիրավորներ են եղել: Ինչպես հաղորդվում է, մերձամարտի ընթացքում ադրբեջանական կողմը մեկ զոհ է տվել, որից հետո ղարաբաղյան ուժերին հաջողվել է կանխել թշնամու առաջխաղացումը հայերի վերահսկողության տակ գտնվող տարածքում և ստիպել նահանջել: Գիշերային միջադեպը, որից ժամեր առաջ անցկացվում էր Հայաստանի և Ադրբեջանի նախագահների միջև խաղաղ բանակցային գործընթացի առնչությամբ հերթական հանդիպումը, և որը պաշտոնական Երևանն անվանեց սադրանք, ցույց տվեց, որ հակամարտության գոտում 16 տարի շարունակվող հրադադարը փխրուն է: 1994 թ. Ռուսաստանի միջնորդությամբ կնքված հրադադարը վերջ դրեց մոտ երեք տարի շարունակված պատերազմական գործողություններին, որին երկու կողմից զոհ գնաց ավելի քան 30 000 մարդ:

Ռուսաստանի, Ֆրանսիայի և ԱՄՆ-ի դիվանագետներն իրենց վերջին հայտարարությունում հորդորել էին կողմերին ամրապնդել փոխզիջման ոգին՝ «բանակցությունները շարունակելու համար անհրաժեշտ ընդհանուր հիմքի վրա համաձայնության հասնելու նպատակով»

«Կողմերը լրացուցիչ գործողություններ պետք է ձեռնարկեն 1994 թվականի հրադադարն ամրապնդելու և հետագա քաղաքական երկխոսության և համաձայնությունների հասնելու համար ավելի բարենպաստ պայմաններ ստեղծելու նպատակով»,- ասված է հայտարարությունում։ Համանախագահող երկրների պատվիրակությունների ղեկավարները հաստատել են իրենց աջակցությունը կողմերին` խաղաղ ճանապարհով համաձայնության հասնելու համար, սակայն նշել են, որ ղարաբաղյան հակամարտությանը վերջ տալու գլխավոր պատասխանատվությունը կրում են ադրբեջանցի և հայ առաջնորդները։ (Հայտարարությունն ամբողջությամբ կարող եք կարդալ այստեղ` http://www.osce.org/item/45344.html)