Խոսքի ազատության պաշտպանության կոմիտեի ուսումնասիրության համաձայն` ՀՀ պետական մարմինների 23 պաշտոնական կայքերից ամենաթափանցիկը ճանաչվել է ՀՀ տրանսպորտի և կապի նախարարության կայքը:
Բաց հասարակության ինստիտուտի ֆինանսավորմամբ` 2010 թ. սեպտեմբեր-հոկտեմբերին ուսումնասիրվել են 23 պաշտոնական և 10 մարզային կայքեր:
Հինգ կայքեր, ըստ կարևորության, առանձին են գնահատվել. նվազող հաջորդականությամբ ամենաթափանցիկն է ճանաչվել ՀՀ դատախազության, ապա ՀՀ կառավարության, Սահմանադրական դատարանի, Ազգային ժողովի, ՀՀ նախագահի կայքը:
Հաշվի առնելով ՀՀ Սահմանադրությունը և 2003 թ.-ից գործող «Տեղեկատվության ազատության մասին» օրենքը` մշակվել է 177 չափորոշիչ, որոնցից հիմնականներն են կայքի ամբողջականությունը, հրատապությունը և մատչելիությունը:
Այդ չափորոշիչների համաձայն` երկրորդ և երրորդ տեղերը, համապատասխանաբար, զբաղեցրել են աշխատանքի և սոցիալական հարցերի ու կրթության և գիտության նախարարությունները:
«Ամենացածր տեղը զբաղեցրել է պետական եկամուտների կոմիտեի կայքը, որից չես հասկանում, թե ի´նչ տեղեկություններ է հաղորդում, ի´նչ մարմին է դա, ի´նչ գործունեություն է իրականացնում»,- ասում է այս ծրագրի փորձագետներից Մեսրոպ Հարությունյանը:
Ուսումնասիրության համաձայն` թերի է գնահատվում նաև այն, որ ՀՀ արտակարգ իրավիճակների նախարարությունն ընդհանրապես կայք չունի, իսկ մարզպետարանների 10 կայքերից Լոռու և Արարատի մարզի կայքերն ընդհանրապես չեն բացվում, մյուսներն էլ շատ քիչ տեղեկություն են պարունակում:
«Պաշտոնական կայքերից ոչ մեկում չի նշվում, թե տվյալ կառույցի որոշումները բողոքարկելու համար քաղաքացին որտե´ղ պետք է դիմի»,- ասում է Հարությունյանը:
Խոսքի ազատության պաշտպանության կոմիտեի նախագահ Աշոտ Մելիքյանը հույս ունի, որ այս ուսումնասիրությունը ավելի կզգաստացնի պետական կառույցներին և կնպաստի տեղեկատվության հասանելիությանը:
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.