Մի խումբ հայ փաստաբաններ համագործակցում են` ստեղծելու հիմնադրամ, որը զբաղվելու է սփյուռքահայ ներդրողների իրավունքների պաշտպանությամբ: Այս մասին հայտարարվել է ուրբաթ` փաստաբանների պալատում տեղի ունեցած ասուլիսի ժամանակ:
«Ժամանակ» օրաթերթի գլխավոր խմբագիր Արման Բաբաջանյանը, որը նախաձեռնության հեղինակներից մեկն է, ասում է, որ խումբը հույս ունի «հասնել Հայաստանում այնպիսի միջավայրի ստեղծման, որտեղ սփյուռքահայն իրեն պաշտպանված կզգա, մարդկանց «չքցեն»: Նա քննադատեց սփյուռքի նախարարությանը «պաթոսային ելույթների» համար` անուղղակիորեն առաջարկելով, որ նախարարությունն աջակցի նախաձեռնությանը:
Փաստաբան Լեռնիկ Հովհաննիսյանը ներկայացրեց ամերիկահայ գործարար Էդմոնդ Խուրդյանի գործը:
«Խուրդյանը Մաշտոցի պողոտայում ներդրում է արել 13 հարկանի շենք կառուցելու համար, սակայն ոչ մի դրամ հետ չի ստացել: Ընկերության տնօրենը և աշխատակիցները թալանել են նրան և մի շարք այլ ներդրողների, որոնց այդ գործում ներգրավել է Խուրդյանը` մոտ 20 հոգի: Ընդհանուր առմամբ, նրանցից 7 միլիոն դոլար են գողացել»,- ասում է Հովհաննիսյանը:
«Սկայպ» ծրագրով ուղիղ կապով ասուլիսին միացած Էդմոնդ Խուրդյանը ցավով է նշում, թե իրեն ինչպես է խաբել հայաստանցի իր գլխավոր գործընկերը` Վլադիսլավ Մանգասարյանը, որի հետ իրեն ծանոթացրել է երկրի նախագահի եղբայրը` Լևոն Սարգսյանը:
«Նրանք ընդհանուր առմամբ 5 միլիոն են յուրացրել, նաև ցույց են տվել, որ Խուրդյանին 2 միլիոն դոլարի փոխառության գումար են տվել, սակայն իրականում նա այդպիսի փաստաթուղթ չի ստորագրել»,- ասում է փաստաբանների պալատի փոխնախագահ Նիկոլայ Բաղդասարյանը:
Դատական հայտ ներկայացվել է դեռևս մարտ ամսին, սակայն առ այսօր ընկերության տնօրենին չեն հարցաքննել:
English
Հայերեն
ՎԵՐԵՎ 
Readers' comments
Read commented Article
Post a comment
Read all 4 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.