Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Մեծացնել նկարը

«Թեկնածուներն ավելի շատ քարկոծում ու մեղադրում են միմյանց` իրենց ծրագրային դրույթները ներկայացնելու փոխարեն, ինչի պատճառով ընտրողները դժվար են կողմնորոշվում` ում տալ իրենց ձայնը»,- երկուշաբթի «Ուրբաթ» ակումբում ասաց «Ընտրությունը քոնն է» ՀԿ նախագահ Հարություն Համբարձումյանը:

ՀԿ-ի դիտորդները խախտումներ, խոչընդոտներ ու բռնարարքներ են արձանագրել Սյունիքի, Արմավիրի, Արագածոտնի, Լոռու, Գեղարքունիքի մարզերում, ինչպես նաև Երևանում:

«Սյունիքի մարզի «Սոսի» ու «Խուստուփ» հեռուստաընկերությունները մերժել են հեռարձակել նախագահի թեկնածու Արթուր Բաղդասարյանի ընտրողների հետ հանդիպման վերաբերյալ հայտարարությունները գովազդային սկզբունքով»,- նշեց ՀԿ նախագահը:

«Ընտրությունը քոնն է» ՀԿ-ի դիտորդները անճշտություններ են արձանագրել նաև ընտրացուցակներում` մահացած մարդկանց անուններ, բանակից զորացրվածների տվյալների բացակայություն և այլն:

Որպես դրական առաջընթաց Համբարձումյանը նշեց բոլոր ընտրատեղամասերում ժամանակին ու պատշաճ ձևով փակցված ընտրացուցակները, որոնց բացակայությունը նախորդ ընտրություններում համատարած բնույթ էր կրում:

«Այս տարի չկա նաև այն բռնությունը, որը կիրառվում էր շրջաններից հանրահավաքների եկող մարդկանց դեմ նույնիսկ անցած խորհրդարանական ընտրությունների ժամանակ»,- ասաց Համբարձումյանը:

Ըստ ՀԿ նախագահի` հստակեցման կարիք ունեն, օրինակ, քարոզարշավին նախորդող շրջանի վերաբերյալ դրույթները, քանի որ Ընտրական օրենսգիրքը չի գործում մինչև քարոզարշավն ընկած ժամանակահատվածում, եթե անգամ խախտումներ են լինում:

«Ընտրությունը քոնն է» ՀԿ-ն փետրվարի 19-ին 4.010 դիտորդ է ունենալու Հայաստանի բոլոր 1923 ընտրատարածքներում և պատրաստակամ է իրենց արձանագրած խախտումները տրամադրել նախագահի թեկնածուներից յուրաքանչյուրին` դատարան դիմելու համար: