Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:03
Որոնել
Քննադատական տեսակետ. Նախկին դիվանագետը հրապարակավ քննադատում է իշխանություններին «թույլ արտաքին քաղաքականության համար»«Երկար ժամանակ է` ես քաղաքականության մեջ եմ և չեմ հիշում, որ երբևէ Հայաստանը նման խեղճ դիվանագիտության մեջ լիներ»,- ասում է ներկայումս «Ակունք» քաղաքական վերլուծությունների կենտրոնի տնօրեն Հակոբյանը: Վերլուծաբանը, որպես սխալ արտաքին քաղաքականության ցցուն օրինակ, բերում է նախագահ Սերժ Սարգսյանի` Օսմանյան կայսրությունում 1915 թ. իրականացված Հայոց ցեղասպանությանը վերաբերող պատմական փաստերն ուսումնասիրող պատմաբանների հայ-թուրքական հանձնաժողով ստեղծելու շուրջ տված համաձայնությունը: Երկուշաբթի Հանրապետական կուսակցության մամլո խոսնակ Էդուարդ Շարմազանովը պնդում էր, որ նախագահի համաձայնությունը որևէ առնչություն չունի Հայոոց ցեղասպանության իրողության հնարավոր վիճարկման հետ: «Նման իրավիճակում ավելի լավ է` ասենք` սառեցնում ենք ցեղասպանության հարցը, քան թե համաձայնենք, որ փաստերը ճշտող հանձնաժողով ստեղծվի,-կարծում է Հակոբյանը: - Ասենք թե հանձնաժողովը որոշեց, որ չի եղել ցեղասպանություն, այդ դեպքում ինչ պիտի անի ՀՀ նախագահը»: Հակոբյանի կարծիքով` «արտաքին թույլ քաղաքականության» ապացույցներից մեկն էլ Ռուսաստանի նախագահ Դմիտրի Մեդվեդևի այցն էր Ադրբեջան և միջպետական պայմանագրի կնքումը: «Ես չեմ կարծում, որ վերջին ժամանակներս Ռուսաստանը վարում է ադրբեջանամետ քաղաքականություն. այն վարում է ռուսամետ քաղաքականություն,- նշում է Հակոբյանը: -Պարզապես մենք ենք տանում սխալ քաղաքականություն: Ի վերջո, պիտի հասկանանք, որ Ռուսաստանի համար ևս ոչ թե կան մշտական բարեկամներ ու թշնամիներ, այլ կան մշտական շահեր»: Իսկ մշտական շահերը, ինչպես վկայում է Հակոբյանը, մղեցին, որ Մոսկվա-Թեհրան երկաթգիծն էլ անցնի Բաքվով և ոչ թե Հայաստանով: Նախկին դաշնակցական Հակոբյանը, անդրադառնալով նաև Սերժ Սարգսյանի` Թուրքիայի նախագահ Աբդուլլահ Գյուլին Հայաստան հրավիրելու շուրջ ծավալված խմորումներին, ասում է, որ այսօր ՀՀ իշխանությունները զբաղված են քաղաքական սեթևեթանքներով և ոչ թե հստակ քայլերով: «Ռոբերտ Քոչարյանի հայտարարությունը, թե, մոտավորապես, «ես լինեի, չէի անի», քաղաքական կատեգորիա չէ,- նշում է Հակոբյանը: -Ի վերջո, Քոչարյանն ամեն ինչ արեց, որ Սարգսյանը նախագահ դառնա: Իսկ մարտից հետո բռունցքներ թափ տալն այնքան էլ ընդունելի չէ»: Ներկայումս ՀՀ արտաքին և ներքին քաղաքականության պայմանները, ըստ էության, գնահատելով գրեթե ճգնաժամային` Հակոբյանը մի ելք է տեսնում` անցկացնել արտահերթ նախագահական, այնուհետև խորհրդարանական ընտրություններ:
Other Articles in Լուրեր
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 17 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.