Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:12
Որոնել
Այցելություն Ղրիմ. նախագահ Սարգսյանն ասում է, որ թերակղզու հայերը «Հայաստանում տուն ունեն»
ՀՀ նախագահ Սերժ Սարգսյանը, Ամենայն Հայոց Գարեգին Բ կաթողիկոսն ու կառավարության մի քանի անդամներ երեքշաբթի մասնակցել են նաև տեղի հայերի ուժերով վերանորոգված հին հայկական Սուրբ Խաչ վանական համալիրի հիմնադրման 650-ամյակին նվիրված միջոցառմանը: Եկեղեցու վերանորոգման գործում իր պետական աջակցությունն է ցուցաբերել Ուկրաինան: «Հայաստանի Հանրապետությունը որոշակի պատասխանատվություն է կրում հայ համայնքի առջև: Հայաստանն իր հերթին ձեր կարիքն ունի: Ցանկանում ենք, որ ձեր հայացքն ուղղված լինի դեպի Հայաստան, վստահեցնում ենք, որ ձեզնից յուրաքանչյուրը Հայաստանում տեղ և անելիք ունի: Հայաստանում դուք տուն ունեք»,- նախագահի մամուլի ծառայության հաղորդմամբ` ասել է Սարգսյանը` դիմելով ղրիմահայերին: Ղրիմի 30.000-անոց հայկական համայնքի ներկայացուցիչներից ոմանք պնդում են, որ իրենց արմատները ձգվում են մինչև Անիից վերաբնակեցված հայերը, որոնք լքել էին հայոց հին մայրաքաղաքը 11-րդ դարի թուրքական ներխուժումից հետո: Ղրիմում Սարգսյանը կրկնել է «Բազե» համահայկական երիտասարդական հավաքի ժամանակ հնչեցրած իր կոչը աշխարհասփյուռ հայությանը` համատեղ ուժերով ծաղկեցնելու հայրենիքը: Ղրիմի Ինքնավար Հանրապետություն կատարած աշխատանքային այցի շրջանակներում նախագահ Սարգսյանն ու Գարեգին Բ կաթողիկոսը այցելել են նաև Յալթայի Սբ. Հռիփսիմե եկեղեցի, որտեղ հանդիպել են Ղրիմի տարբեր ծայրերից ժամանած հայ համայնքի բազմաթիվ ներկայացուցիչների հետ: «Եկել ենք միասին կիսելու մեր ուրախությունը, եկել ենք ասելու, որ դուք հայրենիք ունեք, եկել ենք ասելու, որ յուրաքանչյուր հարցում ձեզ օգնելու և սատարելու ենք»,-ասել է Սարգսյանը: Աշխատանքային այցի շրջանակում Սարգսյանը հանդիպում է ունեցել իր ուկրաինացի պաշտոնակցի` Վիկտոր Յուշչենկոյի հետ: Երկու նախագահները համաձայնել են առաջիկայում հայ-ուկրաինական գործարար համաժողով անցկացնել: Նախագահ Յուշչենկոն ընդգծել է ուկրաինահայ համայնքի առանձնահատուկ ներդրումը հայ-ուկրաինական բարեկամական կապերի զարգացման և ամրապնդման գործում: Նա նաև վերահաստատել է իր հրավերը Սարգսյանին` 2008 թ. վերջին եռամսյակում պաշտոնական այց կատարելու Ուկրաինա:
Other Articles in Լուրեր
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 15 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.