Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Համագումարի տեսակետը. ԱՀՀ տնօրենը ծանրութեթև է անում տարածաշրջանային և միջազգային հիմնախնդիրները«Շատ հայեր, որքան որ ես լսել եմ, ավելի շատ աջակցում են Օբամային, քան Մակքեյնին, ոչ միայն տեղական խնդիրներին առնչվող հարցերի շուրջ ունեցած նրանց հայացքների պատճառով, այլ նաև ցեղասպանության [ճանաչման] խնդրի առնչությամբ», քանի որ Օբաման բազմիցս նշել է ցեղասպանության ճանաչման փաստի անհրաժեշտությունը, ասաց Վարդանյանը: Վերջերս հայ-թուրքական հարաբերությունների մերձեցման առնչությամբ Վարդանյանն ընդգծեց. «Հետաքրքիր էր. [Թուրքիայի] նախագահ Գյուլն ընդունեց նախագահ Սարգսյանի հրավերը և ժամանեց Հայաստան` դիտելու ֆուտբոլային խաղը: Պետք է ասեմ, որ շատ խիզախ քայլ էր նախագահ Սարգսյանի կողմից: Հետևանքները կարող են միայն դրական լինել: Կընդունի՞ Գյուլը, թե՞ ոչ` դա [այդ քայլը] դրական էր Հայաստանի համար, քանի որ բոլորը տեսան, որ Հայաստանը պատրաստ է հարաբերությունները կարգավորելու հարևան երկրի հետ»: Վարդանյանը միևնույն ժամանակ նշեց, որ դժվար է անվերապահորեն ընդունել Թուրքիայի` ղարաբաղյան հակամարտության լուծման գործում միջնորդ դառնալու պատրաստակամությունը, քանի որ Թուրքիան «անկողմնակալ չէ այս հարցում»: Վարդանյանը նաև նշեց, որ ԱՀՀ-ն և ԱՄՆ «Քվեատու կանանց միությունը» վերջերս նախաձեռնել են միացյալ նախագիծ, որը կաջակցի տեղական ՀԿ-ներին ստեղծելու կոալիցիաներ և պահպանելու դրանք: Նա ասաց, որ այդ գաղափարը ծագել է անցյալ տարի, երբ «Քվեատու կանանց միության» ներկայացուցիչը մասնակցում էր Հայաստանում կազմակերպված կոնֆերանսին: Տեղական ՀԿ-ների հետ հաղորդակցության ընթացքում ի հայտ եկավ, որ շահերի բախումները հաճախ խնդիրներ են առաջացնում` նման կոալիցիաները «կենդանի» պահելու համար: Լինելով նաև միության անդամ` համագումարի որոշ անդամներ հանդես եկան նախաձեռնությամբ իրագործել մի նախագիծ` «ներկայացնելու կամ ամրապնդելու կոալիցիա կազմելու հմտությունները և փնտրելու դրանք պահպանելու ուղիներ»: Ծրագիրն այժմ իրականացվում է Վայոց ձորում` ընդգրկելով տեղի և Սյունիքի մարզի ՀԿ-ները: Ծրագիրը մեկնարկել է սեպտեմբերին և ներառում է եռամսյա դասընթացներ ՀԿ ներկայացուցիչների համար: ԱՀՀ Հայաստանի և Լեռնային Ղարաբաղի գրասենյակների տնօրենը (www.aaainc.org) նաև նշեց, որ ԱՄՆ նախագահի թեկնածուների առնչությամբ որևէ նախընտրություն չի հայտնի, քանի որ համագումարը «չի աջակցում կողմերից որևէ մեկին, և ԱՄՆ-ում նրա կարգավիճակն այնպիսին է, որ թույլ չի տալիս հրապարակավ հայտնել իր կարծիքը»:
Other Articles in Լուրեր
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.