Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Բանակցություններ Թուրքիայում. Երևանն ու Անկարան ձգտում են «հարաբերությունների լրիվ նորմալացման»
Ըստ պաշտոնական և լրատվամիջոցների հաղորդագրությունների` երկու երկրների արտգործնախարարներ Էդվարդ Նալբանդյանն ու Ալի Բաբաջանը գործնական ճաշ են ունեցել Ստամբուլի «Չորս եղանակ» հյուրանոցում, որի ժամանակ քննարկել են տարածաշրջանային նշանակության մի շարք հարցեր, այդ թվում` Թուրքիայի առաջարկած Կովկասյան համագործակցության և կայունության պլատֆորմը: Լրատվամիջոցների համար հանդիպումը փակ է եղել: «Մեր նպատակը երկկողմ հարաբերություններն ամբողջությամբ նորմալացնելն է»,- ըստ թուրքական լրատվամիջոցների և Հայաստանի ԱԳՆ մամուլի հաղորդագրությունների` Բաբաջանն ասել է լրագրողներին հանդիպումից հետո` «արդյունավետ ու կառուցողական» գնահատելով Նալբանդյանի հետ հանդիպումը: Նալբանդյանը, որը մեկ օրով այցելել էր Ստամբուլում գտնվող Սևծովյան տնտեսական համագործակցության (ՍԾՏՀ) կազմակերպության քարտուղարություն ու Հայաստանի մշտական ներկայացուցչություն այդ կազմակերպությունում, տեղում հրավեր է ստացել Բաբաջանից և ընդունել այն: Նա հայտարարել է, որ ինքն ու Բաբաջանը որոշել են շարունակել հարաբերությունների նորմալացմանն ուղղված իրենց ջանքերը: «Հայաստանը պատրաստ է դիվանագիտական հարաբերություններ վերահաստատել առանց որևէ նախապայմանի, և մենք նույն մոտեցումն ենք ակնկալում թուրքական կողմից»,- Բաբաջանի հետ հանդիպումից առաջ անցկացված մամլո ընդարձակ ասուլիսի ժամանակ հայտարարել է Նալբանդյանը: Հաղորդվում է նաև, որ հայ նախարարը հորդորել է Թուրքիային վերաբացել Հայաստանի սահմանը: «Աշխարհում շատ կան երկրներ, հարևան երկրներ, որոնք դեռևս չլուծված խնդիրներ ունեն,- ասել է Նալբանդյանը: - Սակայն այդ երկրները դիվանագիտական հարաբերություններ ունեն, բաց սահմաններ ունեն, նրանք բաց են միմյանց համար, իսկ այդ պայմաններում շատ ավելի հեշտ է բանակցել»: Գրեթե երկուսուկես ժամ տևած հանդիպումից հետո Բաբաջանն ասել է լրագրողներին, որ մոտ օրերս երկու երկրները շարունակելու են քաղաքական շփումները:
Other Articles in Լուրեր
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 3 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.