ՀՀ-ում ԱՄՆ դեսպանությունից հաղորդում են, որ Հայաստանում ԱՄՆ դեսպան Մարի Յովանովիչը պատրաստվում է հոկտեմբերի 3-14-ը մեկնել ԱՄՆ և հանդիպումներ ունենալ Ֆիլադելֆիայի, Դեթրոյթի, Սան Ֆրանցիսկոյի և Լոս Անջելեսի ամերիկահայ համայնքների ներկայացուցիչների հետ:

Դեսպանության հաղորդմամբ` դեսպանը «պատրաստվում է կարծիքներ փոխանակելու Հայաստանում ընթացիկ զարգացումների, ԱՄՆ-Հայաստան հարաբերությունների և Հայաստանին ցուցաբերած ԱՄՆ աջակցության շուրջ»:

Երեքշաբթի Ռուսաստանի հարավային քաղաքում հանդիպած ՌԴ և ՀՀ նախագահների քննարկման թեմաներից էին հայ-թուրքական հարաբերությունները:

(Ինչպես հաղորդվում է` Սերժ Սարգսյանը Դոնի Ռոստով էր մեկնել` ներկա գտնվելու Ռուսաստանի նախագահի մրցանակի համար անցկացվող ձիարշավին:)

Ըստ ՌԴ նախագահի մամուլի գրասենյակի տարածած հաղորդագրության, որում մեջբերված է Ռուսաստանի նախագահ Դմիտրի Մեդվեդևի խոսքը Դոնի Ռոստովում Սերժ Սարգսյանի հետ հանդիպումից առաջ, «Ներկայիս իրավիճակը պահանջում է կարծիքների փոխանակում»:

Այս շաբաթ գործարկված կառավարության նոր նախաձեռնությամբ փորձ է արվել մեկ կայքում մեկտեղել կառավարության էլեկտրոնային ծառայությունները։ Կառավարության ներկայացուցիչն ասում է, որ նոր կայք ստեղծելու և հինը վերափոխելու նպատակն է ստանալ «դինամիկ կայք և առավելագույն թափանցիկություն»:

Հայաստանի պաշտպանության նախարարության հաղորդագրության համաձայն` Աֆղանստանում Միջազգային անվտանգության աջակցման ուժերի (ՄԱԱՈՒ) կողմից իրականացվող գործողություններին մասնակցող հայկական խաղաղապահ ստորաբաժանման 20 զինծառայողներ օրերս Աֆղանստանի «Հյուսիս» տարածաշրջանային հրամանատարության գերմանական ղեկավարության կողմից պարգևատրվել են մեդալներով և պատվոգրերով` խաղաղապահ առաքելության իրականացման գործում առանձնակի ջանասիրություն ցուցաբերելու համար:

Հայաստանը մարդասիրական օգնություն կհատկացնի Տաջիկստանին` վերացնելու այս ամսվա սկզբին միջինասիական հանրապետությում տեղի ունեցած ուժեղ ջրհեղեղի հետևանքները, որը մարդկային զոհերի պատճառ է դարձել և մեծ ավերածություններ գործել:

Նախագահ Սերժ Սարգսյանը հինգշաբթի ընդունել է Եվրախորհրդի խորհրդարանական վեհաժողովի նախագահ Մեվլութ Չավուշօղլուին:

Ողջունելով հյուրին` ՀՀ նախագահը հույս է հայտնել, որ ԵԽԽՎ նախագահի գլխավորած պատվիրակության այցը կօգնի տեղում ծանոթանալու և ավելի օբյեկտիվ կարծիք կազմելու Հայաստանում և տարածաշրջանում առկա մարտահրավերների մասին:

ՀՀ սփյուռքի նախարարության նախաձեռնությամբ կազմակերպված «Հայ ինքնության որակների պահպանումը խառնամուսնություններում» գիտագործնական համաժողովի ապրիլի 26-ի առաջին և երկրորդ նիստերը նախագահում էր «Նորավանք» ԳԿՀ-ի տնօրեն Գագիկ Հարությունյանը: Գիտաժողովի աշխատանքներին ներկա էին ՀՀ սփյուռքի նախարար Հրանուշ Հակոբյանը, Հայ Առաքելական Սուրբ Եկեղեցու Գեղարքունյաց թեմի առաջնորդ Տեր Մարկոս եպիսկոպոս Հովհաննիսյանը, ՀՀ սփյուռքի նախարարության աշխատակիցներ, հյուրեր և այլք:

Ապրիլի 26-ին Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը շքախմբի ուղեկցությամբ ժամանեց Ադրբեջանի մայրաքաղաք Բաքու` մասնակցելու ապրիլի 26-27-ին Բաքվում գումարված Կրոնապետերի համաշխարհային գագաթնաժողովին` նվիրված կրոնների եւ ավանդական արժեքների վրա համաշխարհայնացման ազդեցության խնդիրներին:

Ապրիլի 26-ին Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը մեկօրյա այցով կմեկնի Բաքու` հրավերով Մոսկվայի եւ Համայն Ռուսիո Կիրիլ Ա Պատրիարքի եւ Կովկասի մահմեդականների առաջնորդ Շեյխ ուլ իսլամ Փաշա Զադեի, որտեղ կմասնակցի Հոգեւոր առաջնորդների համաշխարհային երկրորդ գագաթաժողովին:

Հայաստանի Հանրապետության Նախագահ, Ազգային անվտանգության խորհրդի նախագահ Սերժ Սարգսյանը ապրիլի 21-ին հրավիրել է Ազգային անվտանգության խորհրդի նիստ: