Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Վրաստանի ԱԳ նախարարն աղավաղում է ջավախահայ ակտիվիստի նկատմամբ առաջադրված մեղադրանքները
«Միասնական Ջավախք» ժողովրդավարական դաշինք» քաղաքական շարժման առաջնորդ Վահագն Չախալյան: Իրականում Չախալյանն ազատազրկվել է «զենք ու զինամթերք ձեռք բերելու և պահելու», ինչպես նաև այլ մեղադրանքներով, բայց ոչ լրտեսության համար: «Ձեր նշած Վրաստանի հայազգի քաղաքացին ձերբակալվել է շատ լուրջ մեղադրանքների հիման վրա՝ նա տեղեկություններ էր փոխանցում երրորդ երկրին: Ես իրավունք չունեմ նշելու, թե որ»: Չախալյանը ձերբակալվել էր 2008 թ. հուլիսին` Ախալքալաքի (Հարավային Վրաստանում գտնվող հիմնականում հայերով բնակեցված Սամցխե-Ջավախեթի շրջանի կենտրոն) ոստիկանության պետի տան մոտ կատարված ավտոպայթյունից հետո: Վրաստանի դատարանը Չախալյանին մեղավոր ճանաչեց Վրաստանի քր. օրենսգրքի մի շարք կետերով, այդ թվում`«զենք ու զինամթերք ձեռք բերելու և պահելու», «հանրային կարգը խախտող միջոցառումներ կազմակերպելու», «ոստիկանին ցույց տված խմբակային դիմադրության և խուլիգանության» համար: Սրանք են այն երեք հոդվածները, համաձայն որոնց` «Միասնական Ջավախք» ժողովրդավարական դաշինք» քաղաքական շարժման առաջնորդ Չախալյանը ենթարկվել է 10 տարի ազատազրկման: «Միայն մեկ պատճառ կա, որ նա այդպես է վարվում: Նրանք տեսնում են, որ արտասահմանում հետաքրքրությունն աճում է, և ուզում են ապատեղեկատվության միջոցով վախեցնել եվրոպացիներին»,- կարծում է «Երկիր» միության ծրագրերի համակարգող Ռոբերտ Թաթոյանը: («Երկիր» միությունը ստանձնել է Չախալյանի պաշտպանության գործը` հայտարարելով, որ նրան անօրինական կերպով են բանտարկել, դատավարությունների ժամանակ եղել է անպատշաճ վերաբերմունք` թարգմանության բացակայություն, պաշտպանական կողմի միջնորդությունների մերժումներ և այլն): Վաշաձեն հայտնել է նաև, որ ազգությամբ ֆրանսիացի իրավաբանին գործի մեջ ներգրավելը մերժվել է դատարանի կողմից, քանի որ դա արգելված է Վրաստանի օրենսդրությամբ: Հիշեցնենք, որ դա արգելող օրենքն ընդունվել է Չախալյանի` ազգությամբ ֆրանսիացի փաստաբան ունենալու դիմումը մերժելուց հետո միայն, և շատերը կարծում են, որ դա արվել է հատուկ Չախալյանի գործով: Ֆրանսիայում հայկական կազմակերպությունների համակարգող խորհուրդը որոշել է պաշտպանել Չախալյանի շահերը Վրաստանի արտաքին գործերի նախարարի հայտարարությունների առնչությամբ:
Other Articles in Քաղաքականություն
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 2 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.