Select edition
English
Հայերեն
տեղական լուրեր, գլոբալ լսարան
Հինգշաբթի, փետրվարի 09, 2012 Թարմացված է 04:19
Որոնել
Նախագահը Լոնդոնում. Սարգսյանի ելույթը դրական արձագանքի է արժանացել հայրենիքում
«Չեթհըմ Հաուզում» Սարգսյանի ելույթը որակվել է որպես նախագահի ամենահաջողված ելույթը: «Ընդհանուր առմամբ, սա այն եզակի հաջողված ելույթներից է, որի ընթացքում Սերժ Սարգսյանը ցուցաբերեց ղարաբաղյան հարցում կոշտ դիրքորոշում և միջազգային ամբիոնից ներկայացրեց ղարաբաղյան հակամարտության հիմնական պատճառները»,- ասում է «Հանրապետություն» կուսակցության քաղխորհրդի անդամ, քաղաքագետ Սուրեն Սուրենյանցը` հավելելով, որ, դատելով վերջին շրջանում հակամարտող երկու կողմերից հնչող կարծիքներից, հասկանում է, որ բանակցությունները մտել են փակուղի: Ըստ Հայ ազգային կոնգրեսին (ՀՀ առաջին նախագահ Լևոն Տեր-Պետրոսյանի գլխավորած ընդդիմադիր դաշինք) սատարող Սուրենյանցի` նախագահը, հաստատելով հիմնական դիրքորոշումը հայ-թուրքական հարաբերությունների վերաբերյալ, «մեկ սխալ է գործել` կրկին դնելով իրեն սպասողի, արձագանքողի դերում»: Չորեքշաբթի օրն իր լոնդոնյան ելույթում Սարգսյանը շեշտեց, սակայն, որ «եթե հաստատվեն մեր կասկածները, որ Թուրքիայի նպատակը ժամանակ ձգձգելն է և ոչ թե հարաբերությունները կարգավորելը, ապա ստիպված ենք լինելու դադարեցնել այս գործընթացը»: Ըստ Սուրենյանցի` չպետք է սպասել Թուրքիայի որոշմանը, այլ պետք է վավերացնել արձանագրությունները` ապացուցելով, որ Հայաստանը հավատարիմ է մնում իր ստանձնած միջազգային պարտավորություններին, իսկ եթե Թուրքիան փորձի խափանել արձանագրությունների վավերացումը, ապա Հայաստանը պարզապես դուրս կգա գործընթացից: Ելույթը դրական է գնահատում նաև ՀՅԴ Հայ դատի և քաղաքական հարցերի գրասենյակի պատասխանատու Կիրո Մանոյանը` տարակուսանք հայտնելով միայն Թուրքիային սպասելու պատրաստակամության առնչությամբ: «Արդեն իսկ պարզ է, որ գործընթացը ձգձգվում է: Ինչի՞ն է սպասում նա (Սերժ Սարգսյանը)` մեզ համար պարզ չէ, իսկ ղարաբաղյան հարցի մասով բավական հաջող ելույթ էր»,- «ԱրմենիաՆաուին» ասում է Մանոյանը: Մինչդեռ, ըստ ընդդիմադիր «Ժառանգություն» խմբակցության անդամ Լարիսա Ալավերդյանի, դիրքորոշումը «գեղեցիկ էր, բայց չի կիրառվում»: «Սարգսյանի ելույթում արտահայտված են դիրքորոշումներ, որ 1988 թ.-ից ասվում են, սակայն չեն դառնում պետական քաղաքականություն: Դա լավ երևալու առիթ էր, սակայն ցանկալի է, որ կիրառվող քաղաքականությունը ևս ճիշտ լինի»,-«ԱրմենիաՆաուին» ասում է Ալավերդյանը:
Other Articles in Քաղաքականություն
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 2 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.