Ֆոտոլուր
Չորս ՀԿ-ների կարծիքով՝ «միասին ավելի հեշտ է անցնել հարաբերությունների կարգավորման բարդ ուղին»:
ՀՀ նախագահ Սերժ Սարգսյանի` հայ-թուրքական արձանագրությունների վավերացման գործընթացը կասեցնելու հայտարարությունից օրեր անց Հայաստանի չորս ՀԿ-ներ պատրաստակամություն են հայտնել նպաստելու Թուրքիայի հետ հարաբերությունների կարգավորմանը:
«Եվրասիա համագործակցություն» հիմնադրամը, Մարդկային զարգացման միջազգային կենտրոնը, Հայաստանի արդյունաբերողների և գործարարների (գործատուների) միությունը և Երևանի մամուլի ակումբը այդ հարցի կապակցությամբ Հուշագիր են ստորագրել:
«Միավորման փաստն ինքնին ուրախալի է, քանի որ Հայաստանում ՀԿ-ներն ավելի հաճախ միմյանց հետ մրցակցում են, քան համագործակցում»,- ասում է «Եվրասիա համագործակցություն» հիմնադրամի տնօրեն Գևորգ Տեր-Գաբրիելյանը:
Ըստ Գաբրիելյանի` բոլոր կազմակերպությունները Թուրքիայում կապեր ունեն այլ ՀԿ-ների հետ և, միավորվելով, հնարավոր կլինի աշխատել մոտ 150 թուրքական կազմակերպությունների հետ:
Կազմակերպությունների ղեկավարները նախատեսում են կազմակերպել համատեղ վերլուծություններ հայ-թուրքական հարաբերությունների տարբեր ոլորտների վերաբերյալ, քննարկումներ և այլ համատեղ ծրագրեր:
Հայաստանի արդյունաբերողների և գործարարների միության նախագահ Արսեն Ղազարյանն էլ հավաստիացնում է, որ «միասին ավելի արագ կանցնեն հարաբերությունների խրթին ճանապարհը»:
«Մեր միությունը 1997 թ. իր կազմում ստեղծել է հայ-թուրքական կոմիտե, իսկ նախորդ տարի էլ Ստամբուլում բացեցինք միության ներկայացուցչություն, որը հետագայում կնպաստի լուծելու հայկական ապրանքների` Թուրքիա արտահանման խնդիրը»,- ասում է Ղազարյանը:
«Թուրքիայի հասարակությունը խիստ բազմաշերտ է և քաղաքացիական նախաձեռնություններով պետք է ձևավորել այն կորիզը, որը հետագայում կազդի թուրքական իշխանությունների վրա»,- ամփոփում է Ղազարյանը:
English
Հայերեն
ՎԵՐԵՎ 
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.