Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Թեման` կրկին գործարարություն. օլիգարխները պատրաստվում են մասնակցելու ԱԺ ընտրություններին
Հակոբ Հակոբյան Նախագահ Սերժ Սարգսյանը բազմիցս հայտարարել է, որ գործարարությունը պետք է հետևողականորեն տարանջատվի պետական համակարգից և իշխանությունից: Փոխարենը պետությունը պետք է շարունակի սովորել լիարժեքորեն հարգել և ապահովել յուրաքանչյուր քաղաքացու և գործարարի շահը: Ըստ մամուլի հրապարակումների` իշխող Հանրապետական կուսակցության գործարարներն ու «օլիգարխները» հայտարարում են, որ մասնակցելու են առաջիկա խորհրդարանական ընտրություններին մեծամասնական ընտրակարգով: Շրջանառվում են պատգամավորներ Գրիգորի Մարգարյանի, Սամվել Ալեքսանյանի, Աշոտ Աղաբաբյանի և այլոց անունները: Ընտրություններին են պատրաստվում նաև այլ գործարարներ, որոնք չունեն ԱԺ պատգամավորի մանդատ: ԱԺ նախկին պատգամավոր, իշխող Հանրապետական կուսակցության անդամ Հակոբ Հակոբյանը (Էջմիածնից) պատրաստվում է մասնակցելու առաջիկա խորհրդարանական ընտրություններին մեծամասնական ընտրակարգով: Հակոբյանին են պատկանում «Զվարթնոց» հյուրանոցային համալիրը, խաղատուն, գազալցակայան և այլն: «Ես սեփականատեր եմ, բայց գործարարությամբ այլևս չեմ զբաղվում: Իմ յոթ ձեռնարկություններով զբաղվում են իմ երկու որդիները: Կարծում եմ` քաղաքականություն մտնելուց առաջ պետք է դադարեցնես գործարարությամբ զբաղվելը»,- ասում է Հակոբյանը «ԱրմենիաՆաուին»: Ըստ նրա` երկար տարիների գործարարի գործունեությունը մասնագիտական հմտություններ է տալիս, որոնք հետագայում հնարավոր է օգտագործել օրենսդիր աշխատանքում: «Ժառանգություն» կուսակցության վարչության քարտուղար Կարինե Հակոբյանն ասում է, որ ԱԺ պատգամավորը պետք է լինի ազնիվ, սկզբունքային, հայրենասեր, մեծ գիտելիքների տեր և լայնախոհ: «Այդ դեպքում չենք ունենա այն պատկերը, որն ունենք: Ներկա պահին ԱԺ-ն մի վերմակ է, որը յուրանչյուրն իր շահերը պահելու համար քաշում է դեպի իր կողմը: Եթե [ՀՀ] նախագահն ասում է, որ գործարարը և օլիգախը չպետք է լինեն ԱԺ-ում, ուրեմն գործարարները, որոնք հիմնականում ԲՀԿ-ում են, նրանց առաջադրման հայտերը Կենտրոնական ընտրական հանձնաժողովը (ԿԸՀ) չպետք է ընդունի: Բայց խոսքս ոչ միայն «Բարգավաճ Հայաստան» կուսակցության գործարարների մասին է»,- ասում է Հակոբյանը: Ընտրական և քաղաքական տեխնոլոգիաների փորձագետ Արմեն Բադալյանն ասում է, որ գործարարները մտնում են խորհրդարան` առաջնորդվելով վերջին 20 տարվա կարծրատիպերով. «Կլինենք իշխանական թիմից, կողմ կքվեարկենք կառավարության ներկայացրած բոլոր օրինագծերին, իսկ կառավարությունն էլ մեզ չի ճնշի հարկերով»:
Other Articles in ԱԺ 2012
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.